Topi feste me Ramen e Berishen.

Data 28 nëntor, për herë të parë bashkoi të gjithë personalitet, politikanët, intelektualët, gazetarët por edhe trupin diplomatic te Presidenti I Repunblikës.

Si rrallë më parë, pallati I Brigadave u bllokua dje nga të gjithë. Ishte kryetarja e Kuvendit Jozefina Topalli, kryeministri Sali Berisha, kreu I Partisë Socialiste Edi Rama, madje edhe ish presidenti Rexhep Meidani, I cili për të parën herë në vitet që Topi është zgjedhur si president, hynte në Pallatin e Brigadave.
Por ajo që të binte në sy gjatë ditës së djeshme ishte pikërisht mungesa e takimeve mes kryeministrit Sali Berisha me socialistët. Grupi parlamentar I Partisë Socialiste pothuajse kishte shkuar I gjithi në festën e organizuar nga presidenti, por ata qëndronin të gjithë së bashku, dhe tek tuk, takonin edhe ambasadorët. Ndërkaq. Edi Rama I cili ka mbërritur në këtë ceromoni pak më vonë se të tjerët, kur ndërkaq, Presidenti Bamir Topi e kishte mbaruar fjalën e vet të rastit.
Sali Berisha, u soll përgjatë gjithë kohës në sallën e tejmbushur me njerëz. Porn ë asnjë rast, asnjë socialist nuk u takua me kreun e maxhorancës.
“Nuk duan socialistët të më takojnë. Më largohen. Më hapin rrugën. Kanë frikë të më takojnë” ishin deklaratat e Berishës sa herë afrohej rreth ndonjë grupi socialist dhe ata nuk flisnin e nuk trokisnin gotat me kryeministrin.

Por I njëjti reagim vinte edhe nga deputetët e opozitës. “Më mirë të kthejmë kurrizin, nuk duam të trokasim gotat me të” ishin deklaratat e deputetëve pa mandat të opozitës. Ndërkohë Edi Rama pjesën më të madhe të kohës e ka kaluar mes grupit të analistëve e gazetarëve, dhe vetëm për disa caste shkëmbeu disa fjalë edhe me presidentin e Republikës Bamir Topi.
“Nuk ka zgjidhje situata, është shumë keq. Nëse opozita nuk shkon në parlament, do të kemi zgjedhje të parakohshme, të cilat mund të zhvillohen në të njëjtën kohë me zgjedhjet lokale” është prognoza që të jep gjatë bisedave ish presidenti I parë pluralist I vendit Ramiz Alia. Ndërsa Berisha, derisa ikën, vazhdon të kërkojë të trokasë gotën me ndonjë socialist.

Deklarata
Presidenti I Republikës gjatë fjalës së tij në hapjen e ceremonisë, theksoi se kjo është data e ringjalljes së kombit shqiptar. “Jam shumë i gëzuar dhe i nderuar që takohemi sërish për të kujtuar ditën tonë të Pavarësisë, festën tonë kombëtare. Në historinë e njerëzimit, por sidomos në historinë e një kombi, ka data që tregohen dhe për to flitet në mënyra të ndryshme, por për kombin shqiptar 28 Nëntori është një ditë e veçantë dhe na mbledh të gjithëve për të festuar sipas një mënyre të vetme. Me dëshirën e madhe për një Shqipëri më të fortë, për një të ardhme më të bukur për të gjithë shqiptarët dhe me besimin për një botë më të mirë, ju uroj të gjithëve: Gëzuar Festën Kombëtare të Shqipërisë! Gëzuar Ditën e Pavarësisë dhe të Flamurit! Ditën e Çlirimit!
Rroftë Shqipëria dhe shqiptarët!” - u shpreh Topi. Mandej ai theksoi se, “sfidat e Shqipërisë janë ende shumë të mëdha”, ndërsa nënvizoi se sot më shumë se kurrë, përpos urimeve të rastit, ajo që vlen më tepër është që qeveria me opozitën të punojnë bashkë në të mirë të Shqipërisë. “Është e natyrshme që Shqipëria sot nuk është ajo e vitit 1912, as ajo e vitit 1990, por sfidat e saj janë ende shumë të mëdha. Përpos urimeve të rastit, do të dëshiroja me gjithë zemër që të kishim një Kuvend ku sa qeveria, aq dhe opozita t’i përvisheshin punës për të ballafaquar opsionet e tyre politike në të mirë dhe në interes të vendit dhe të qytetarëve të tij”, - theksoi Presidenti Topi.
Ndëekaq festa u mbyll pas disa orësh, si rrallë herë më parë u mblodhën të gjithë së bashku, porn ë një klimë tejet të tensionuar.