E prekur nga tumori, heq 10 organe nga trupi dhe ia del me sukses

Jenny Ramage, është një 32 vjeçare angleze nga Bristol e cila ju nënshtrua një operacioni kirurgjikal prej nëntë orësh, për të hequr dhjetë organe të prekura nga një formë e rrallë kanceri.

Kështu Ramage arriti që të mposhtë sëmundjen e rëndë, nga e cila gjeti vdekjen edhe aktorja Audrey Hepburn.

Siç raporton “Mirror”, kalvari i mundimeve të Jenny, nisi nga dhimbjet e forta të stomakut. Por mjekët e qetësuan fillimisht, duke i thënë se bëhej fjalë thjesht për acidtitet të stomakut, ose simptomë premenstruale.

Por shqetësimet vazhduan dhe pas 30 ditësh Jenny u detyrua të vizitohej sërish. Ajo ishte e prekur nga kanceri në apandesit i cili kishte shpërthyer, duke prekur të gjithë organet që e rrethonin nga një masë kancerogjene si xhelatinë.

Sëmundja njihet si pseudomixoma peritonei dhe prej saj kanë gjetur vdekjen shumë personazhe të famshëm të Hollywood.

Gjatë operacionit ju hoq zorra e trashë, shpretka, fshikëza, kërthiza, vezoret, tubat e fallopit, një pjesë e mëlçisë, njëra veshkë, diafragma dhe një pjesë e stomakut.

Pavarësisht mundimeve të shumta të kaluara ajo thotë se është shumë me fat, pasi është shëruar plotësisht.