Mbase 2008 pa krize dritash

nga Musafir 2008-01-24, 14:34

Shumë skeptikë nuk besonin se premtimi i kryeministrit Berisha që vendi do të kishte furnizim të plotë me energji elektrike në fund të vitit 2007, do të ishte realist, duke parë thatësirën më të madhe që përjetoi vendi thuajse gjatë gjithë vitit të kaluar. Megjithatë, sot, kur jemi në ditët e para të 2008, sinjalet janë mjaft pozitive jo vetëm nga ekzekutivi, por dhe nga Korporata Elektroenergjitike. Si kryeministri, ashtu edhe drejtori i KESH-it deklaruan dje se viti 2008 do të jetë një vit me furnizim të rregullt me energi elektrike dhe se masat që janë marrë dhe do të ndërmerren gjatë ditëve të ardhshme, do të mundësojnë një furnizim të plotë me energji dhe përgjatë muajve të ardhshëm të vitit.

Më e lehtësuar nga këto parashikime optimiste duket se do të jetë ekonomia. Gjatë vitit të kaluar, problemet e KESH bënë të mundur që një shumë e madhe parash të akordohen nga qeveria në përmirësimin e bilancit të tij, ndërsa institucione ndërkombëtare si FMN dhe Banka Botërore e identifikuan problemin e furnizimit me energji si mjaft problematik dhe ndikues tek financat e shtetit. Një sërë masash të parashikuara nga qeveria pritet që të ndikojnë në përmirësimin e mëtejshëm të korporatës. Një nga objektivat e shpallura nga qeveria është ai i privatizimit të degës së shpërndarjes së energjisë, ndërsa shtrirja në të gjithë vendin dhe miratimi i qindra projekteve të TEC-ve dhe HEC-ve, ndërtimi i linjave të interkoneksionit me Podgoricën apo ato me Italinë finje, pritet që të japin rezultatet e tyre në mënyrë të graduale, duke ndikuar në zgjidhjen përfundimtare të problemit të furnizimit të qytetarëve me energji elektrike.

Ky ka qenë dhe mbetet një nga problemet madhore të shqiptarëve përgjatë këtyre 17 viteve dhe zgjidhja e këtij problemi nga kjo qeveri do të jetë një ndër sukseset më të mëdha të saj, dhe një armë më pak në duart e opozitës, e cila është munduar që këtë problem madhor ta instrumentalizojë për një kohë të gjatë për qëllimet e saj politike, pa dhënë asnjë alternativë në zgjidhjen e tij. Merita është se po kërkohen të shfrytëzohen të gjitha potencialet e prodhimit të energjisë duke mos mbetur të varur vetëm nga burimet hidrike, dhe në funksion të kësaj zgjidhje, qeveria thuajse një në çdo dy mbledhje ja ka kushtuar këtij problemei duke miratuar projekte ndër më gjigandët sikurse ishte edhe ai djeshmi për një investim 400 milion euro, i cili parashikon ngritjen e një parku për prodhimin e energjisë nga era, me një kapacitet 290 MW në Balldren si dhe ngritjen në Shëngjin të Lezhës të një impianti për prodhimin e energjisë, me kapacitet 140 MW, me lëndë të parë vajrat me origjinë bimore dhe shtazore, projekte këto të ndërmarra nga investitorë të fuqishëm.

Ndikimi i një viti të mbarë me energji elektrike pritet që t'i japë ekonomisë disa qindra milionë euro më shumë të ardhura, të cilat do t'i lejojnë ekzekutivit, rishpërdarjen e tyre për investime në sektorë të ndryshëm. Nëse ky vit nuk do të jetë viti i zgjidhjes të plotë të problemit të furnizmit me energji elektrike, të paktën mund të thuhet se janë muajt e fundit që shqiptarët do të mund të kenë probleme me këtë produkt jetik

nga **NEO** 2008-01-24, 23:34

hahahaahaaaaaa, cfare u tha??? qe ne 2008 do kemi me shume drita hahahhaaaaaaaa.

Po nga do na vije tere kjo energji kur ne skemi ndertuar as edhe nje TEC? Qe keto qe po ndertohen minimumi mbarojne vitin tjeter?

Po afrojne zgjedhjet, dhe perseri ketyre mashtruesve ju duhet nje genjeshter tjeter per te zgjatur mandatin e tyre. Duhet te habitemi vetem per nje gje. Cne shqiperia te kete kaluar nje periudhe thatesire? Cne kryeministri te prese qe te bjere shi dhe bore ne mes te korrikut??

Mos harroni deklaraten e tij fantastike kur tha, qe shume shpejt shqiperia do jete superfuqia e europes per energjine. Superfuqi???? qe nuk mbulon dot nevojat e 3 milione njerezve. Si do ti mbuloje ato te 500 milineve???

Situata qe po kalon shqiperia me krizen e dritave nuk erdhi si pasoje e thatesires po nga keqmenaxhimi i burimeve hidrike dhe fondeve te KESH. Keshtu ne dhjetor 2006 u dha urdher nga qeveria drejtuar KESH-it qe Shqiperia te mos importonte me energji pasi mund ta perballonte fare mire nga rezervat qe kishte. Dhe keshtu ndodhi. Nuk u importua energji elektrike per me shume se dy muaj. Janar, shkurt, mars, prill jane shfrytezuar maksimalisht kaskadat e hidrocentraleve. Vetem ne fund te prillit filluan shqetesimet e para, ose me sakte alarmet e para. Cdo nate rrethinat e kryeqytetit nuk furnizoheshin me energji qe prej ores 23:00 deri ne 7:00 te mengjesit. Dhe kjo justifikohej me faktin qe jane zona qe nuk paguajne. Por ndodhi krjet e kunderta. Ne korrik Shqiperia nuk ishte me e afte te prodhonte me energji. KESH i vene ne veshtiresi u detyruat te riniste importet, por ngaqe nuk kishte zhvilluar asnje tender per blerje energjie ne fillim te vitit me cmimet me te ulta, u perball me cmime teper te larta qe shkonin deri ne 80- 85 euro per megavat ore. Kapacitet e linjave per import nuk mund te siguronin me shume se 10 milione kilovat ore ne dite, nga 23 milione qe kerkon tere vendi per furnizim normal me eneergji.
Filluan nderprerjet. Ne Tirane ato shkonin rreth 6- 7 ore ne dite, ndersa ne fshatra mbi 10 ore ne dite. Dhe situat vazhdoi me muaj. Korrik, gusht , shtator, tetor, nentor, dhjetor. Plot 6 muaj. por shirat nuk vonuna te fillonin qe ne ditet e para te tetorit. Nga tetori deri ne dhjetor shqiperia pothuaj u permbyt nga rreshjet. Por nga dritat jo.
Vetem kur u ngrit si problem qe KESH po eksportonte dhe shiste energji drejt Kosoves per te permiresuar buxhetin tashme te rrenuar te tij, KESH filloi qe pas festave te bente nje furnizim me normal.

Dhe sot qe po flasim, Tirana max ka 1 ose 2 ore ne dite qe nuk ka drita. E ndersa kryeministri yne leshon deklarata bombe per centrale berthamore, per petrolifera, per TEC-e apo hidrocentrale, ato mbeten thjesht idera dhe projekte ne leter qe kurre nuk do te shohin driten e zbatimit.....

Mbase 2008 pa krize dritash

Mbase 2008 pa krize dritash

Re: Mbase 2008 pa krize dritash