Lajme nga informatika

nga **NEO** 2008-02-19, 13:30

Nese ky forum do te ishte ne shitje athere personi qe do te kishe 90 $ do te behej pronari i saj

Ne kete adrese http://www.dnscoop.com/ ju imund te kontrolloni cmimet monetare te websiteve te ndryshem nese ato do te shitesh. Ne te vertete nuk e di se sa eshte i besuar ky informacion por ja vlen barra qirane per ta pare njehere :D:D:D

Ando une i kam 90 $ :D:D:D:D:D:D

nga **Andi** 2008-02-19, 16:51

avash mer ti avash 90 euro,ore cun eshte bo gjith kjo pune si e vlersokan ata me 90 euro?

pAstaj forumi dono nuk eshte per tu shitur

p.s. tani po pati ndonjeri ndonje oferte me shum se 90 euro edhe mund ta rishikoj kete replike qe bera :lol:

nga **NEO** 2008-02-20, 21:13

hahahahaah ando ishin dollare jo euro dmth tek 85 mije lekshi vertitet. po meqe te njoh me 100 euro e mbyllim kete muhabet? meqe e ke pa letra dhe pa targa jo per gje :D:D:D:D:D:D:D:D:D:D

nga **NEO** 2008-02-24, 11:40

SAN FRANCISKO- Stiv Xhobs administratori i deleguar i kompanise “APPLE”, shoqeria lider e risive teknologjike serish habit admiruesit dhe nxjerr ne treg lap topin me te holle ne bote. Jane shume ne fakt produktet e reja qe jane prezantuar para dy ditesh ne “Mac Eorld”, konferenca e organizuar nga “Apple” ne San Francisko, Kaliforni. Mes tyre ne plan te pare sic e ka percaktuar edhe vete Xhobs eshte “lap-topi me i holle ne bote” i pagezuar me emrin “Macbook Air”. Ai nuk ka nguruar te flase per kete te re te fundit qe pritet te zbarkoje ne tregjet boterore. Numri 1 i kesaj kompanie ka deklaruar se “Apple” ka shitur 4 milion telefona celulare “iPhone” ne dyqind ditet qe nga ardhja ne treg e hibridit qe eshte nderthurje e nje kompjuteri dhe nje telefoni celular te prezantuar ne 29 qershor te vitit 2007. Ai ka shtuar se duhet vleresuar fakti qe per vitin 2008 shitjet e ketij hibridi parashikohet te shkojne ne 10 milion cope. Ne lidhje me te rejat e fundit te prezantuara shpresat mbeten tek lap topi i ri “MacBook Air”, nje pc super i holle (0,76 polesh)dhe me nje hard drajv prej 80 gigabait dhe nje ekran 13.3 polesh qe do te kushtoje 1. 799 dollare. Dorezimet e para pritet te dalin pas dy javesh, sipas specialisteve ky lloj kompjuteri do te sherbeje per perforcimin e imazhit te kompanise “Apple” si prodhues i objekteve avangarde. Ne kete fushe ky prodhim i ‘Apple’ duket i parezistueshem: NE kuader te vitit 2007 jane shitur ne fakt 7 milion kompjutera “Makintosh” me nje rritje e krahasuar me vitin 2006. Apple konsiderohet keshtu prodhuesi i trete me i madh i kompjuterave ne Shtetet e Bashkuara. Xhobs ka folur edhe per krijimin e dyte te rendesishem te “Apple” per vitin 2008: transformimi i programit “internet Tunes” ne nje lloj programi dixhital permes te cilit perdoruesit mund te perfitojne nje pjese te te rejave kinematografike. Marreveshja me 20 Century Fox ,Warner Brothers, Walt Disney, Paramount, Universal dhe Sony do t’i garantojne ketij lloj programi nje oferte prej 1000 filmash duke filluar nga muaji mars. Filmat do te mund te shikohen pas 30 diteve nga dalja e formatit Dvd. Marrja me qera e tyre do te kushtoje 2.99 dollare ose 3. 99 dollare per cdo film te sapo dale nga sallat kinematografike. Mes te rejave te fundit, funksionet e reja te ketij telefoni celular do t’u mundesojne perdoruesve mes shume gjerave interesante, te dergojne nje tekst mesazhi shume personave nga lista e tyre dhe njekohesisht te personalizojne ekranet e tyre(ne kete rast mund te zgjedhin deri ne nente opsione). “Apple’ ka bere te ditur edhe cmimin e ri te televizoreve Apple, duke prezantuar edhe nje lloj tjeter televizori i cili do t’u jape mundesine perdoruesve te porosisin nje film permes aparatit duke i pare keshtu ne ekranin e televizorit, pa kryer veprimet me pare ne kompjuter.

Lajme nga informatika Apple10

nga **NEO** 2008-03-02, 13:17

Drejtori i Asustekut, Jonney Shih, ka deklaruar se shitja e kompjutereve me sistemin operativ Windows Vista, nuk i ka permbushur pritjet e kesaj kompanie. Shih pohon se bleresit, sidomos ata te biznesit, me shume preferojne sistemin operativ Windows XP, pasi qe frikesohen nga jokompatibiliteti i programeve dhe problemet te tjera qe mund te shfaqen. Prandaj Asus, sipas tij, do t’u dale ne ndihme ketyre bleresve. Edhe pse Shih nuk ka shpjeguar se per cfare ndihme behet fjale, mund te paramendojme se kjo kompani, do te vazhdoje edhe per nje kohe shitjen e kompjutereve me sistem operativ Windows XP. Nje pohim te tille e ka dhene edhe kompania konkurrente Acer. Shefi i kesaj kompanie, Gianfranco Lanci, ka deklaruar se nuk pret qe bleresit do t’i blejne kompjuteret per shkak te Vistas, por eshte e kunderta.

nga Eri-B 2008-03-02, 22:34

i kishte kaluar 300 $ vlera e forumit se e pash para pak castesh

nga **NEO** 2008-03-02, 22:37

une andit nuk i jap me shume se 100 euro :D:D:D:D

he ando, po pres une

nga **NEO** 2008-03-03, 12:49

Kompania Microsoft eshte duke planifikuar editimin e versionit te ri te shfletuesit te internetit, Internet Explorer 8, brenda nje viti, i cili do te kete nje mori komponentesh te reja. Permiresimet ne versionin e ri te ketij shfletuesi perfshijne perkrahjen me te mire per CSS dhe AJAX, komponentin e avancuar per RSS si dhe njohjen e mikroformateve - segmenteve ne HTML ku mund te vendosen kalendaret dhe informacionet per kontaktet. Ne fakt mikroformatet do te jene pjese edhe te Firefox 3. Pos ketyre risive, jane paralajmeruar edhe nje mori ndryshimesh dhe mundesish te tjera, te cilat do te jene te pershtatura per shfrytezuesit.

nga **NEO** 2008-03-06, 11:36

Yahoo i ofron 1 miliarde dollare i pergjigjet "JO", ndersa administratoreve te Microsoft te cilet e marrin per te zhvilluar nje telekonference u thote "Jam ne gjume".

Tani Yahoo pritet ti ofroje 1.6 mliarde dollare. Mark Zuckerberg, i riu 22 vjecar, themeluesi i web sajtit facebook.com, eshte bere personi me i perfolur i javes. Yahoo i ofron 1 miliarde dollare i pergjigjet "JO", ndersa administratoreve te Microsoft te cilet e marrin per te zhvilluar nje telekonference u thote "Jam ne gjume". Tani Yahoo pritet ti ofroje 1.6 mliarde dollare. Mark Zuckerberg, i riu 22 vjecar, themeluesi i web sajtit facebook.com, eshte bere personi me i perfolur i javes. Yahoo i ka ofruar 1 miliarde dollare ndersa ai i pergjigjet me nje "JO" dhe ben Yahoo-n te mendoje per nje cmim me te larte. Sipas burimeve te ndryshme, Yahoo planifikon ti ofroje 1.6 miliarde dollare Zuckerbergut perkunder shitjes se web sajtit te tij facebook.com. Cudite nuk mjaftojne ketu, nje mengjes gjersa udheheqesit e larte te Microsoft-it tentojne te lidhen me te permes telekonferences, ai refuzon te bisedoje duke ua mbyllur telefonin. Arsyeja eshte ora 8 mengjesit pasi ai ishte ne gjume. Mark Zuckerberg, ka filluar te shkruaj porgramime qe ne moshen 10 vjecare. PaS shkolles se mesme regjistrohet ne universitetin e famshem amerikan Harward, por sikur deshiron te ndjek rrugen e Bill Gates, dhe edhe Marku largohet nga universiteti duke vazhduar te merret me programim.Tani ai eshte 22 vjec.

nga **NEO** 2008-03-07, 13:29

Rekord i ri ne bartjen e te dhenave!!! - Shkencetaret kane arritur nje rekord te ri ne bartjen e te dhenave, permes internetit, dhe diten tjeter e kane tejkaluar ate. Ky rekord eshte afer atij teorik.
Toshiba 200GB HDD per xhep - Toshiba ka ofruar hard disk mobil me kapacitet prej 200 GB me USB lidhje. Ky hard disk 2.5 inch, i bashkangjitet tashme modeleve 100 GB, 120 GB dhe 160 GB te cilat tashme jane te prezantuara ne treg. Ne teori kapaciteti prej 200 GB do te jete i mjaftueshem per 50.000 kenge, mbi 60.000 foto me madhesi prej 5 megapiksela dhe rreth 90 filma me kualitet DVD dhe rreth 20 HD filma.

nga **NEO** 2008-03-09, 10:52

PENTAGONI KA FRIKE NGA GOOGLE EARTH

Pentagoni i ka ndaluar projektit Google Earth te beje video-harta te rrugeve te bazave ushtarake amerikane, sepse mendon se kjo gje do te rrezikonte te punesuarit e tij, dhe do ta bente te lendueshem nga sulmet.
Ne porosine te cilen ua kane derguar te gjitha bazave ushtarake dhe instalimeve ne mbare SHBA-te kerkohet nga zyrtaret qe te mos i lejojne faqes se popullarizuar te hartave te beje incizimin e pamjeve panoramike brenda bazave.
Michael Kucharek, zedhenes per Komanden Veriore, u ka thene gazetareve se vendimi eshte marre pasi qe ekipit te Google Earth i eshte lejuar qasja ne se paku nje baze.
Ai ka shtuar se zyrtaret ushtarake jane te brengosur se videot e incizuara, ne nivelin e rrugeve, do te mund te furnizonin publikun e gjere me informata te ndjeshme, duke rrezikuar keshtu personelin e bazes.
Ky vendim eshte marre vetem disa dite pasi jane publikuar raportet te cilat sugjerojne se keqberesit ne Londer kane perdorur pikerisht Google Earth si ndihmese ne planifikimin e qasjes ne kulmin e nderteses se Parlamentit.

nga **NEO** 2008-03-09, 11:02

Hewlett-Packard ka krijuar nje kompjuter te inspiruar ne art, respektivisht kompjuterin e tij ekzistues, tw cilin e ka dekoruar, doren ne zemer, me nje art te pazakonte.
Ky nuk eshte laptopi i pare i HP-se me shtepize te ngjyrosur ne menyre te pazakonte, por punimet e deritanishme nuk kishin pamje aq pershkruese.
HP ne bashkepunim me MTV-ne ka mbajtur nje gare nderkombetare per artistet e rinj, duke kerkuar vizatimin me te mire per shtepize. Kete gare e ka fituar nje artist i ri nga Portugalia me emrin, Joao, derisa punimin e tij mund ta shihni ne shtepizen e ketij laptopi Pavilion.
Perndryshe behet fjale per nje laptop krejtesisht te rendomte me diagonale te ekranit prej 14.1 incesh, te pajisur me procesoret e Intelit, Core 2 Duo, dhe kartelen grafike te NVIDIA-s, GeForce 8400M GS.
Kompjuteret jane te dedikuar per shfrytezuesit shtepiak te cilet mendojne t’i shfrytezojne ata per pune te natyres multimediale dhe per loje te kohepaskohshme te lojerave qe nuk kerkojne shume, e per te cilet shume rendesi ka se si duket laptopi i tyre. Pikerisht per kete HP me Artist Edition ofron edhe canten perkatese.

nga **NEO** 2008-03-09, 11:10

Hakeret ruse per shkak te Kosoves futen ne ueb-faqen e Cheltenhamit

Gazeta londineze Times ne numrin e sotem shkruan se viktime e shpalljes se pavaresise se Kosoves eshte bere edhe nje qytet i bukur ne perendim te Anglise, transmeton BBC.
Cheltenhami elegant, i njohur me shume per koncertet e muzikes klasike sesa per retoriken politike, eshte bere viktime e hakereve ruse, te cilet jane futur ne faqen e internetit te Kuvendit Komunal te ketij qyteti.
Ata kane zevendesuar lajmerimin per performimin e orkestres simfonike, respektivisht ekzekutimin e uvertures Lakuriqi te Shtrausit, me slogane kunder elites politike te Republikes se Kosoves, derisa te gjithe ata te cilet kane kerkuar informata per performancen muzikore jane ridrejtuar ne ueb-faqen ruse, e cila eshte dedikuar “per kthimin e Republikes se Kosoves nen qeverisjen serbe”.
Zyrtaret e ketij qyteti natyrisht kane mbetur te hutuar – mirepo ekspertet e informatikes thone se eshte pak e besueshme qe hakeret te kene zgjedhur qellimisht ueb-faqen e ketij qyteti. Sipas tyre, ata kane perdorur programe qe ne menyre automatike perzgjedhin ueb-faqe me mbrojtje te dobet dhe keshtu jane ndeshur me ate te Cheltenhamit, ku edhe kane vendosur permbajtjen e tyre.

nga **NEO** 2008-03-22, 12:50

Femrat gjithmone e me pak vend ne informatike

Nje vit me pare Universiteti i Derby-t ne Britanine e Madhe prezantoi nje kurs te ri studimesh ne "Computer Games", qe pati nje sukses pertej parashikimeve. Vetem per pak dite u regjistruan plot 106 studente. Por, problemi ishte ky: ishin te gjithe meshkuj.
Ne universitetet amerikane, rasti i Derby-t permendet si nje shembull ekstrem per te shpjeguar piken e dobet te botes hightech: mungesen e grave. Ne te vertete, e gjithe kjo nis nga themelimi dhe drejtimi i kompanite me te medha dhe me te suksesshme ne vitet e fundit ne SHBA. Le ta nisim nga "You Tube", themeluar ne vitin 2005 nga Chad Hurley, Steve Chen dhe Jawed Karim, tre meshkuj jo me shume se 20 vjec. Pastaj kalojme te "Facebook", krijuar ne vitin 2004 ne Harvard fale kembenguljes dhe punes se nje studenti, Mark Zuckerberg. Po "My space"? U krijua ne vitin 2003 nga Tom Anderson, nje kerkues shkencor ne Universitetin e Kalifornise. Duke e kthyer kohen pas, le te ndalemi te "Google", prezantuar ne vitin 1996 nga dy djemte nga Standford, Larry Page dhe Sergey Brin, sot dy supermiliardere. Edhe "eBay", sajti i ankandeve online qe ka ndryshuar boten e tregtise, u shpik ne vitin 1995 nga hackeri Pierre Omidyar. Mund te shkojme me tej me "Apple" e Steven Jobs (1976), apo ne "Microsoft"- in e Bill Gates (1975), duke arritur ne fund te "Hewlett Packard", nje ndermarrje e rendesishme e "Silicon Valley", krijuar ne vitin 1934 nga Bill Hewlett dhe Dave Packard. Keshtu, ne rolin e drejtuesve, themeluesve dhe keshilltareve me te rendesishem, takon gjithmone vetem meshkuj. Me sa duket, hi-tech eshte nje aktivitet qe u kushtohet vetem meshkujve dhe ku grate ose mungojne, ose mund te numerohen me gishta.
Argumenti eshte aq shume i ndjeshem ne Amerike, sa Larry Summers, ish-minister i Thesarit ne kohen e Bill Clinton-it dhe nje nga ekonomistet me te mire amerikane, nje vit me pare hoqi dore nga karrigia e Presidentit te Harvardit, per shkak te diskutimit qe hapi mbi kete ceshtje. Summers ishte ne qender te nje polemike te dhunshme, qe kur ne janar te vitit 2005 kishte sugjeruar se numri i ulet i grave ne komunitetin shkencor mund te shpjegohej me aftesite e pakta te tyre per shkencen. Ne te vertete, faljet dhe justifikimet nuk i mjaftuan qe ta shpetonin. Pasi humbi mbeshtetjen nga pjesa me e madhe e pedagogeve, u detyrua te jepte doreheqjen ne shkurt te vitit 2006.
Por pyetja e shtruar nga Summers vazhdon te tingelloje akoma ne ndermarrjet dhe universitet amerikane. Perse grate po arrijne gjithmone e me rralle nivele te larta drejtuese ne postet shkencore, por edhe prania e tyre ne kete sektor po ulet ne menyre drastike? Keshtu, sipas nje raporti te sapo publikuar nga "Federal Bureau of Labour Statistics", prej me shume se dhjete vjetesh grate jane duke e braktisur teknologjine e informacionit. Ne vitin 1996 ato perfaqesonin 41 per qind te teknikeve te ketij sektori, ndersa sot vetem 32 per qind. Statistikat e bera publike nga "Center for Woman‘s Business research" ne Washington thone se ne vitin 2004 vetem kater per qind e shoqerive te teknologjise se larte drejtoheshin nga femrat, nje shifer ne renie duke e krahasuar me pese perqindeshin nga viti ‘96 deri ne 2000. Kerkime te tjera konfirmojne se grate qe laureohen dhe marrin nota me te mira se meshkujt, zgjedhin gjithmone e me pak fakultetet qe priren drejt shkencave. Madje edhe ato qe pranohen ne kompani te tilla, largohen shume shpejt nga puna.
Ne te vertete nuk eshte vetem problemi etik i diferences mes llojeve ai qe te shqeteson me shume. Problemi qendron tek aftesia konkurruese e sistemit amerikan. Studimet ne lendet shkencore terheqin gjithmone e me shume te rinj amerikane dhe brenda kesaj, numri i femrave eshte konsideruar shume, shume i ulet. Madje, sipas parashikimeve ne vitin 2010, numri i femrave ne lendet shkencore do te jete sa gjysma e sotme. Bob Cohen, zevendespresident i IIAA (International Associaton for Technology in America), duke reflektuar rreth krizes se perfaqesimit te femrave, thote: "eshte njelloj sikur ne nivel nderkombetar po veprojme vetem me nje dore, pasi tjetren e kemi te lidhur pas shpine. Kompani si "Google", "Hp" dhe "Microsoft" tregojne per rendimin e ketij problemi, edhe pse nuk pranojne te tregojne perqindjen e grave programuese ne brendesi te tyre. Nga ana tjeter nuk behet fjale vetem per nje tendence amerikane.
Ne Britanine e Madhe, sipas nje kerkimi, numri i grave qe punojne ne sektoret e teknologjise se larte ka rene nga 21 per qind ne vitin 2000 ne 16 per qind ne vitin 2007. Arsyeja? Mungese fleksibiliteti ne pune, prania vetem e meshkujve ne ndermarrje, ore te tejzgjatura dhe nje ambient ku punohet 80 ore ne jave, nuk ka pushime dhe ku flitet vetem per biznes, sukses dhe pasuri. Ne fakt, ekzistojne pak fjale kyce per te pershkruar djemte qe ua kushtojne jetes se tyre softwareve, veshin xhinse dhe bluza te pista, nuk kane raporte sociale, nuk lahen. Atehere perse nje vajze duhet te zhytet ne nje ambient te tille?
Po ashtu, ne emisionin amerikan "Beaty and geek", Shirin Deghan, fituesja e "Black Barry Women&Tecnology Award", shpjegon se duhet fleksibilitet per te terhequr dhe mbajtur grate ne ndermarrjet high tech: "Suksesi im u dedikohet pese vellezerve te mi, te gjithe me te medhenj se une, qe me kane rritur si nje mashkull.
Perballe ketij problemi, ne boten e "Silicon Valley" ka bere qe te jene serish ne qender te debatit "diskutimet e rrezikshme", te sugjeruara nje vit me pare nga Larry Summers. Ne fund te marsit, nje shoqeri e rendesishme per administrim ndermarrjesh ka publikuar nje kerkim te pavarur qe ka nje titull provokues (te ndalojne stereotipat seksuale) me te dhena shume te rendesishme per t‘u analizuar. Tre autoret: Kathy Harris, Diane Merello dhe Mark Raskino, mbeshtesin se "ka ardhur momenti te behen eksplicit mitet dhe realiteti i diferencave biologjike dhe sjelljeve mes burrave dhe grave dhe te hapet diskutimi se si trajtimi i meshkujve dhe femrave influencon ne boten e ndermarrjeve". Tre autoret sugjerojne se "grate dhe burrat kane menyra te ndryshme per te perballuar impenjimet, njerezi dhe vendet e punes". Sipas tyre, tentativa per te futur nje numer me te madh grash ne "loje" eshte e deshtuar, ndaj duhet ndryshuar loja, duke riprojektuar organizimet e ndermarrjeve te tri.
Duke ngelur te kerkimi i Gaartner, grate jane me te dhena per te degjuar te tjeret, per shkak te kapacitetit te trurit te tyre dhe kane aftesi me te mira gjuhesore, ndaj kjo i pengon ato qe te jene lidere te nje grupi apo shoqerie, ndersa burrat mendojne me thelle dhe rrezikojne, e pikerisht kjo i ben ata me te pershtatshem ne punet shkencore. Ne fund, autoret e mbyllin: "Grate jane gati te bejne gjithcka per te fituar punen, familjen dhe interesat personale, e nese per te arritur kete rezultat u duhet te largohen nga ndermarrjet, atehere e bejne". Sugjerime? Duhet braktisur modeli mashkullor dhe u duhet dhene me shume besim dhe hapesire femrave?

nga samoeni 2008-03-22, 12:56

PO QE SE JA VLE BARRA QERANE PO E PROVOJME

nga **NEO** 2008-04-24, 12:19

Cmenduria e teknologjise kompjuterike duket se nuk ka fund.
Kompjuterat me te fuqishem dhe te shpejte ne treg tani jane ato Intel me procesor me 4 core(quadcore).
Inteli po punon per te krijuar procesore me 16 core , pra 4 here me te fuqishem se sa procesoret me te mire qe jane tani. Procesori i ri Intel 16 core do njihet me emrin Larrabe. Parashikohet qe ne kete procesor te ngjitet edhe chipsi grafik i motherbordit(GPU). Pra do behen bashke ne nje cope (cpu, chip, dhe GPU chip) .Cdo core ne procesorin 16 do kete shpejtesi mbi 2GHz. Parashikohet te krijohen 2 tipe procesoresh 16. Nje i krijuar vetem per desktop qe do njihet me emrin Havendale. Tipi tjeter i procesorit 16 do jete per laptopat vetem dhe do njihet me emer Auburndale. Ne tremujorin e fundit te ketij viti do dalin copat,mostrat e para te procesoreve.Ne fillim te 2009 procesorat 16 do dalin ne treg ne mase.

Viti 2009 do jete vit interesant me ngjarje te shenuara. Google do futet ne treg me servis pa tel me shpejtesi te larte. Televizionet ne gjithe boten ne shkurt te 2009 do transmetoje vetem ne sinjal dixhital HD,me cilesi shume te larte figure. Nuk do transmetohet me me sinjalet analog. Firma Adobe do dale ne treg ne 2009 me Adobe Photoshop CS 4 dhe do integroje teknologjine Hydra per pluginsat.

nga **NEO** 2008-05-02, 20:31

Microsoft leshon pakon SP3 të Windows XP

Microsoft ka leshuar pakon sp3(5512 RTM) gjithe firmave qe prodhojne kompjutera. Pakoja Sp3 do integrohet si pjese e windowsit XP te instaluar ne kompjuterat e ardhshem per shitje.Pra windowsi i instaluar ne kompjuterat e rinj do jete win XP SP3.Pakoja SP3 pershin pakon SP2 si dhe rreth 100 azhurnime te mevonshme.Pas 30 qershorit 2008 do nderpritet prodhimi dhe dalja ne treg e kompjuterave me windows XP te instaluar.Pas 30 qershorit komjuterat e rinj do kene vetem windows vista te instaluar.Ne 29 prill 2008, pakoja mund te shkarkohet nga faqja e mikrosoftit.Mund ta gjeni dhe ne faqe warez si windows xp SP3 final ose Window XP sp3 X86 RTM. Madhesia 315 mb

nga **NEO** 2008-05-06, 23:52

Sic ka vendosur Dell, te njejtin shembull kane vendosur ta percjellin edhe Lenovo, por edhe Hewlett Packard. Natyrisht, behet fjale per vendimin se ne kompjuteret e tyre, te cilet, perkunder sistemit me te modernizuar operativ Vista, ende do te perdorin ate XP i cili eshte pothuajse nje dekade i vjeter.
Dell ka paralajmeruar se me kompjuteret e tij do t’i shes me Windows XP edhe pas perfundimit te tij me 30 qershor, duke shfrytezuar te drejten e downgrade-it, Lenovo ka vendosur per nje hap te ngjashem, por ne vend te instalimit te sistemit operativ ne kompjutere do te ofroje CD-ne Windows XP Recovery bootable i cili pa ndonje problem kalon mbi Vista. Me instalimin e sistemit XP me Recovery CD, do te instalohen edhe te gjithe driver-at e nevojshem, derisa opsioni i perdorimit te dual-boot nuk do te jete i mundur.

Ky opsion ka qene i ofruar ne Lenovo edhe me heret, por ka qene ne plan te praktikohet deri me 31 korrik, nje muaj pas ndalimit zyrtar te shitjes dhe ofrimit te mbeshtetjes nga ana e Microsoftit per shfrytezuesit e Windows XP.
Situata e porsakrijuar do t’i mundesoje Lenovos shfrytezimin e kesaj mundesie deri ne fund te muajit janar 2009, derisa Dell kete opsion do ta shfrytezoje per aq kohe sa Microsoft do te mbeshtes opsionin downgrade.
Prodhuesi i trete i cili deshiron t’i bashkohet Lenovos dhe Dellit eshte HP, mirepo data dhe menyra se si do ta bej kete nuk eshte definuar ende.

nga **NEO** 2008-05-11, 23:27

Microsoft deklaron se do te hedh ne treg nje windows te ri i cili do te jete pasardhesi i Microsoft Windows Vista. Windows-i do te quhet Microsoft Windows 7.

Sapo eshte mbyllyr vitit i pare i Microsoft Windows Vista i leshuar zyrtarisht ne 30 Nentor te vitit 2006 i derguar me pas ne discounetet e Microsoftit ne Janar te 2007.Windows Vista nuk eshte me BUMI i Windowsit por ka vajtur ne radhet e nje windowsi normal dhe jo si nje windows i cili do sillte revolucion dhe do bente ndryshimin nga te tjerat.Ajo pak nga pak po i le vendin nje windowsi te ri Microsoft Windows 7(Seven). Nga windows 7 nuk dihet shume por dihet qe:
Do kete nje stil me fin.
Nje makineri e cila nuk do te lejoje perdorimin e programeve te vjetra..
Dhe nje grafike me te paster dhe te thjeshte..
Pervec te tjerave dihet qe windows 7 do te kete te integruar teknologjine multi-touch e cila do te jete ne funksionim te plote te teknologjise TOUCH-SCREEN..

nga **NEO** 2008-10-29, 08:19

Versioni i ardhshem i “Microsoft Windows” do te jete me pak i besdisshem se “Vista”. Ky eshte premtimi i drejtuesve te kompanise kompjuterike te cilet ne nje konference per shtyp njoftuan se ne fillim te vitit te ardhshem do te dale per prove “Windows 7”-a.

Kompania me e madhe ne bote e prodhimit te programeve kompjuterike eshte duke bere gjithashtu versionet e reja te “Word”-it, “Excel”-it dhe komponenteve te tjere te “Office” qe te mund te punojne ne nje “Web browser”.

Levizja ka si qellim te jete efikase ne karahasim me rivalet e tjere te kompanise si “Google INC”.

Versioni i ardhshem “Windows 7” do t’i jape mundesine perdoruesit te zgjedhe te kete me pak paralajmerime sigurie, te cilat jane cilesuar si “te merzitshme” tek “Vista”.

“Ne kemi qellimet me te mira per te ndihmuar ne sigurimin e platformes kompjuterike edhe me teper, sidomos per perdoruesit e rinj te cilet e kane te nevojshme kete”, eshte shprehur zevendespresidenti i “Microsoft's Windows group”, Steven Sinofsky.

Ai beri te ditur gjithashtu se kompania do te punoje edhe me shume me kompanite e jashtme per te shmangur kete here “te tilla ngaterresa”.

Top-Channel

nga elisa 2008-11-05, 20:34

un e kam provu visten.Mpelqen,po me i mir esht windowsi normal(xp).Shpresojm te dali ndonje gje nga kjo 7...

nga **NEO** 2009-01-31, 14:49

Gati 2 jave perpara dites se festes se te dashuruarve, kane filluar te qarkullojne ne rrjet viruset e para te maskuar si mesazhe te festes. Keto viruse te njohura si «malware», jane duke perdorur San Valentinin si rruge per tu futur ne kompjutera. Paralajmerimi eshte dhene nga Shoqeria spanjolle per sigurimin informatik, Panda Security. Virusi i pare qe eshte evidentuar eshte «Waledac.C»,qe sipas eksperteve perhapet permes postes elektronike nepermjet nje bilete urimi te mbishkruajtur «San Valentino».
Ekspertet bejne thirrje per te patur kujdes por nuk jane shume optimiste. “Vit pas viti keto sisteme kriminale perdorin kete lloj metode per te perhapur sulmin e tyre dhe ne fakt kjo eshte nje menyre qe funksionon edhe pse shoqerite informatike bejne shpesh fushata sensibilizuese per te bere te mundur ruajtjen nga keto lloje virusesh”-shpjegon drejtori i Panda Security, Luis Corrons.

nga **NEO** 2009-03-11, 12:55

Përse suedezët janë mbretërit e internetit

Gjykata që gjendet në këndin që krijojnë rrugët "Shelegatan" dhe "Flemingatann" është vendi i fundit i Stokholmit ku dikush do të shkonte për të marrë pjesë në një festë. Por vetëm para një nate aty vërtet zhvillohej një festë. Këto dy javët e fundit, në dhomën numër 9 të gjykatës është zhvilluar gjyqi i kompanisë "The Pirate Bay", një sit suedez që krijon linke për failet "BitTorrent", një mënyrë shumë eficiente për të përhapur failet muzikore në internet. Si siti më i madh në internet për sa i përket kësaj forme të ndarjes së muzikës mes përdoruesve (renditet i 108 mes siteve më popullore në rrjet), "The Pirate Bay" numëron thuajse 3.5 milionë përdorues të regjistruar dhe 21.5 milionë të paregjistruar, ndërkohë që siti klikohet më shumë se 1 miliard herë në muaj. Por shumë prej pjesëve muzikore që ofron siti janë të mbrojtura nën ligjin e së drejtës së autorit dhe industritë e filmave e të muzikës e kanë paditur "The Pirate Bay" në gjykatë për ta bërë shembull për piratët e tjerë kudo në botë.

Por gjërat nuk shkuan sipas parashikimeve. Tre të rinjtë që drejtojnë kompaninë e kthyen gjyqin në një spektakël për t‘i bërë vetes publicitet. Miqtë e tyre të "think-tank"-ut "Piratbyran" (Byroja e piratëve) shfaqeshin çdo ditë në gjykatë me një autobus të lyer si për fushatë elektorale. Banda studentësh luanin jashtë gjykatës dhe në fund të javës së parë të gjyqit, të paditurit organizuan një festë gjigante në një pab në qendër të Stokholmit.

Aq e fortë ndihet trioja, sa ka krijuar një sit në internet për pasqyrimin e ecurisë së gjyqit, përtej asaj që publikohet në mediat vendase. E kanë quajtur "Spectrial" (gjyq plus spektakël). Gjyqi u mbyll javës që shkoi dhe pritet verdikti në prill. Por për të gjithë ata që ndajnë në internet failet muzikore Gotfrid Svartholm Varg, Peter Sunde Kolmisopi dhe Fredrik Neij janë tashmë heronj popullorë.

Ndërkaq, në anën tjetër të Stokholmit një tjetër kompani e re interneti e ka kërkuar kërkesën për materiale audio e video falas në një model biznesi që po i hap oreksin edhe industrisë muzikore. "Spotify" u krijon përdoruesve mundësinë të dëgjojmë muzikë nga një katalog gjigant këngësh në rast se janë të gatshëm që për një orë muzikë të dëgjojnë një minutë publicitet.

Ky xhoukboks global arriti 1 milion përdoruesit javës së shkuar dhe të rinjtë shtohen me një ritëm prej rreth 20 mijë në ditë. Por nuk do mund të kishte sukses pa praninë e kompanive si "The Pirate Bay". Që të dyja janë pjesë e një komuniteti teknologjik tepër pjellor suedez ku shkrihet ekspertiza, përvoja dhe novacioni; në fakt Stokholmi është kthyer aktualisht në kryeqytetin e një bote virtuale.

Themeluesi i "Spotify" është Daniel Ek, 25-vjeçar. Kompaninë e parë e ka themeluar kur ishte 14 vjeç. E fundit është "Stardoll", një rrjet social për vajza të reja që sot numëron 26 anëtarë në të gjithë botën. Është pjesë e një vije të gjatë sipërmarrësish të rinj suedezë që po shkëlqejnë në botën e internetit. Si Martin Lorentzon, bashkëthemeluesi i "Spotify" dhe krijuesi i sitit të marketingut "TradeDoubler". Si Peter Alvarsson, i cili në vitin 2006 krijoi "Headweb", një firmë ligjore për shkarkimin e filmave. Në vitin 2001, Niklas Zenstrom themeloi sitin "Kazaa", një sit që ofron muzikë falas, i gjendur shpesh në gjykatë nga industritë muzikore. Është njeriu që krijoi shërbimin falas të telefonisë "Skype" dhe "Joost", një platformë e ligjshme për shpërndarjen e faileve video. Në 1995-n e largët, Jonas Svensson krijoi "Spray", një sit për krijimin e faqeve të internetit që më pas do të bëhej edhe shërbimi i këtij lloji më i madh në botë.

Ndoshta më i rëndësishëm nga të tërë është Jonas Birgerson, i cili fitoi miliona dollarë kur në vitin 1999 krijoi firmën për konsulencë në internet "Framfab". Birgerson, atëherë 29-vjeçar, i përdori fitimet për të krijuar një shërbim me bandë të gjerë, e cila në vitin 2001 u ofronte shërbim të shpejtë interneti rreth 1 milion shtëpive suedeze. Ndërkohë që qeveria suedeze jo vetëm krijonte lehtësira për internetin, por i ftoi banorët të blinin një kompjuter për shtëpi pa taksa. Popullsia suedeze prej 9 milionë banorësh shpejt u bë më e pranishmja në internet në gjithë rruzullin. Ndërkaq, Rik Falkvinge është lideri i grupit politik më të lidhur me internetin, Partia e Piratëve.

Nuk duhej të vinte interneti për ta bërë Suedinë vend me profil kaq të lartë në të gjithë botën. Falë izolimit linguistik dhe sistemit cilësor shkollor, thuajse të gjithë në Stokholm flasin rrjedhshëm anglisht. Shteti e mbështet së tepërmi zhvillimin shkencor e teknologjik dhe vendi është shumë i famshëm, jo vetëm për markat elektronike si "Ericsson", por gjithashtu edhe me të tjera si "Volvo", "Saab", "Tetrapak", "Ikea" dhe "H&M". Shkollat muzikore pa pagesë shpesh cilësohen si përgjegjëset për suksesin e këtij vendi; është i treti në listën e eksportuesve të muzikës pop në rang botëror, pas Shteteve të Bashkuara të Amerikës dhe Britanisë së Madhe.

Teknologjia duhet të jetë në ADN-në e suedezëve; në vitin 1900 Stokholmi kishte më shumë telefona nga Londra e Berlini. Kur Viktoria, Princesha e kurorës, shpalli javës së shkuar fejesën, e bëri këtë përmes sitit mbretëror në internet. Filmi më i rëndësishëm po gjatë fundjavës së shkuar ishte "Vajza me tatuazhin e dragoit". Heroina e filmit qe një pirate e re kompjuterësh, me probleme të shpeshta me ligjin.

Suedia eksportonte media falas që para revolucionit teknologjik, gazeta pa pagesë "Metro" u hap në Stokholm në vitin 1995 përpara se modeli të përhapej në 100 qytete të tjera nëpër botë. Suedezët janë shumë të dhënë pas lajmeve, siç shpjegon shefi ekzekutiv i gazetës "Metro", Andreas Ohlson: "Publiku me moshë të re parapëlqen produktet gratis karshi atyre me pagesë. Lexuesi ynë tipik është mesatarisht 27-vjeçar, urban, aktiv dhe i pëlqen shumë të udhëtojë. Janë tamam ata njerëz që përdorin ‘Spotify‘ dhe ‘The Pirate Bay‘".

nga **NEO** 2009-03-20, 19:58

15 Web-Faqet qe kan Ndryshuar Boten !!!

Ja lista:

1) www.eBay.com : U hap ne vitin 1995 ve aktualihst ka 168 milion perdorues. Ankand, ku shitet gjithcka, nga armet e deri te kafshet.

2) www.wikipedia.
com : E hapur ne viti 2001 vizitohet nga 912 mije vizitore. Ky sajt
ofron te dhena enciklopedike falas. Cdokush eshte i lire qe te dergoje
shkrim per te ndryshuar tekstin.

3) www.napster.
com : E themeluar ne 1999, ky sajt ka mbledhur rreth vetes 500 mije
antare. Ofron muzike ilegale (pa autorizim te producentit), dhe
kritikohet shume nga kengetaret dhe menaxheret e tyre. U mbzll ne 2001'
dhe me vone pas ndryshimeve te bera ne sistemin e antaresimit u rihap.

4) www.youtube.
com : Sajt per publikimin dhe shpenrndarjen e videove. U themelua ne
vitin 2005. Cdo dite vizitohet nga perafersisht 100 milion njerez.

5) www.blogger. com : U themelua ne vitin 1999 dhe ka gjithsej 18.5 milion vizitore. Njerezit shkruajne ditaret dhe artikuj e tyre personale.

6) www.friendsunited. com : U themelua ne vitin 1999. Ka 15 milion perdorues dhe synon t i mbledh ish-shoket dhe shoqet e klases.

7) www.drudgereport.
com : Kjo faqe lajmesh u themelua ne 1994 dhe cdo dite ka nga 8-10
milion klikime. Ne vitin 1998, kjo faqe publikoi per here te pare
lajmin e skandalit te Monica Lewinsky-t.

8) www.myspace.
com : E themeluar ne vitin 2003, kjo faqe ka mbi 100 milion perdorues.
Duke hapur faqen tuaj, ju arrini te takoheni dhe te njiheni me njerez
tjere.

9) www.amazon.com
: E themluar ne vitin 1994, amazon ka kliene mbi 35 milion kliente nga
250 vdende te ndryshme te botes. Ben shitjen e librave, CD dhe DVD-ve.

10) www.slashdot.
org : E themeluar nga Rob Malda ne vitin 1997, slashdot vizitohet nga
5.5 milion viyitore ne muaj. Sajti ofron informacione rreth
teknologjise. Pervec saj, posedon edhe nje forum te gjere.

11) www.salon.com : E hapur ne vitin 1995 cdo dite vizitohet nga 3.5 milion persona. Ne faqe gjenden artikuj te temave te ndryshme.

12) www.craigslist.org : U hap ne vitin 1995. Cdo muaj paraqiten 4 miliarde faqe. Ofron
shpallje dhe lajmerime gratis per ata qe jetojne ne qytetet e medha.

13) www.google.com
: U themelua ne vitin 1998 nga Larry Page dhe Sergey Brin. Filloi si
nje teze diplome dhe sot cdo dite vizitohet nga rreth 1 miljarde
njerez. Aktualisht eshte faqja me e popullarizuar ne bote.

14) www.yahoo.com : E themeluar ne vitin 1994, Yahoo ka rreth 400 milion antare. Sajti ofron e-mail, kerkim ne internet dhe sherbime te medias.

15) www.easyjet.com : E themluar ne vitin 1995, vitin e kaluar arriti t u ofroje
sherbim 30 milion pasagjereve. Kjo faqe, ben shitjen e biletave me
cmime te lira.

__________________

nga Sponsored content

Lajme nga informatika

Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

LOL

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika

Re: Lajme nga informatika