Skuadra Juventus F.C

te mos ma shaj njeri juven se mezi e kam,ja marshalla sa trofe ka fituar

Ranieri beson te arritja e më shumë se një objektivi: “I kemi të gjitha mundësitë për të befasuar si në kampionat, ashtu edhe në Champions”
Duartrokitje, parrulla të bukura dhe tepër artistike, kore të shumta, por edhe buri. Një pritje madhështore për një skuadër e cila ka nisur dje stërvitjen e saj të parë për sezonin që do të nisë. Juventusi ka “ndezur motorrët” dhe për ta pritur kanë gati 1000 tifozë bardhezi, të cilët qëndronin në dyert e hotelit dhe më pas në kangjellat e qendrës stërvitore të Pincolos. Stërvitja e parë e “Zonjës” ka qenë tepër e ndjekur, edhe pse lojtarët janë impenjuar në disa ushtrime të lehta. Mes shumë sloganeve dhe parrullave ishte një gjigant “Faleminderit president, për 80 vjet pasioni!”, në dedikim të Bonipertit, që festoi 80 vjetorin e lindjes, dhe njëri për Nedvedin: “Dashuria është e verbër!”. Një nga lojtarët që është duartrokitur më shumë ishte Stefano Amauri, i cili është pritur ngrohtësisht. Klaudio Ranieri, trajneri bardhezi, u shpreh: “Ndodhemi këtu për të punuar, stërvitur dhe përmirësuar”, tha për “Juventus Channel”. “Tifozët na rezervuan një pritje të mirë dhe duhet të na mbështesin dhe ndihmojnë, ashtu si kanë bërë sezonin e shkuar”. Më pas, trajneri ka drejtuar stërvitjen e tij të parë në Pineta. Pas nxemjes dhe punës atletike, bardhezinjtë kanë nisur prekjet e para të topit, duke bërë palexho dhe shumë lëvizje aerobike. Ranieri vazhdoi: “Filozofia është e njëjta dhe nuk ka ndryshuar. Qëllimi im dhe i gjithë stafit është që të përfshihen sa më shumë të jetë e mundur të gjithë lojtarët, në punën e tyre me topin dhe gjatë përqëndrimit”. Në stërvitjen e parë kanë marrë pjesë shumë tifozë, që kanë ndjekur nga pranë lojtarët: “Nuk duam që të krijojmë iluzione të kota te asnjëri”, vazhdoi Ranieri, “por është e drejtë që të synohet maksimumi që në fillim. Të futemi njëherë në valën Champions dhe më pas do të synojmë të shkojmë sa më shumë larg. Fjala titull një tabu? Jo, tabutë kanë rënë që në vitin 1968. Ndërkohë, ne do të përpiqemi që të përmirësohemi sa më shumë”.

Mbrojtësi portugez i skuadrës së Juventusit, Horge Andrade, është operuar ditën e djeshme në Lisbonë,pas disa problemeve të mësuara në analizat e fundi të kryera mbi tendinat e gjurit të majtë. Adrade,i cili priste të fillonte mes optimizmit sezonin e ardhshëm, do i duhet të mungojë edhe një vit tjetër. I mbërritur nga Deportivo në Torino, lojtari ka arritur të zhvillojë vetëm pesë ndeshje me fanellën e "Zonjës së Vjetër". Një mungesë e tillë ka vënë në dyshim karrierën e lojtarit, të paktën me fanellën e Juventusit, një gjë e tillë duket mëse e sigurt.

Juventusi është gati ta nisë seriozisht punën përgatitore në prag të sezonit që vjen. Dje pasdite Juventusi a zhvilluar stërvitjen e parë, ku të gjithë lojtarët e “Zonjës së Vjetër” janë paraqitur në stërvitje me një buzëqeshje të stampuar në fytyrë.Ndërkohë që jashtë kangjellave të Vinovos, shumë tifozë përshëndesnin kampionët e vjetër dhe blerjet e reja, ndërsa më të duartrokiturit kanë qenë Kielini dhe Del Piero, të cilët përballë mikrofonave të gazetarëve janë shprehur optimistë për këtë fillim sezoni.Kapiteni: - “Duam të përmirësojmë rezultatet e mira që kemi arritur gjatë sezonit që shkoi. Për mua këto dy vite kanë qenë të mrekullueshme si në aspektin sportiv, ashtu edhe në atë personal”. Bufon ka punuar me përgatitësin e portierëve, ndërkohë që blerjet më të reja Poulsen, Mellberg dhe Knezeviç së bashku me Del Pieron, Kielinin, Kamoranezin dhe Grigerën kanë zbritur menjëherë në fushë”Kielini: “Të gjithë kemi një dëshirë të madhe për ta nisur sezonin sa më mirë. Ky sezon për ne do jetë tepër i rëndësishëm, duke filluar që nga ndeshja e parë zyrtare që na pret për fazën paraeliminatore të Ligës së Kampioneve”.Kamoranezi: “Java e parë e stërvitjes është gjithmonë e vështirë, duhet të rigjejmë ritmet e lojës. Nëse fillojmë që tani të përqendrohemi te ndeshja paraeliminatore e Ligës së Kampioneve, jam i sigurt se do arrijmë të kualifikohemi. Megjithëse kemi ende kohë, duhet të përqendrohemi që tani tek ai takim, sepse sivjet ky është objektivi ynë primar”

Alesandro Del Piero, pas golit të shënuar kundër Artmedias së Bratislavës natën e djeshme, ka arritur në kuotën e 38 golave në Ligën e Kampioneve. Pavarësisht se 34-vjeçar,numri 10 bardhezi duket lojtari më i ri në fushë nga mënyra se si vrapon. Gol i jashtëzakonshëm,por nuk harron të dhurojë edhe spektakël për të pranishmit në “Olimpiko”.Gjithsesi, me modestinë që e karakterizon, Del Piero pranon se nuk është paraqitja personale ajo që e lumturon, por fitorja bindëse e arritur nga skuadra e tij: “Sot (mbrëmë) kemi Del Piero: Paraqitje perfekte zhvilluar një ndeshje perfekte në të gjitha aspektet.Menjëherë sa kemi zbritur në fushë dallohej qartë uria për fitore që mbizotëronte në skuadrën tonë, duke kërkuar me ngulm që në minutat e para golin e avantazhit. Jam shumë i bindur kur them se e merituam fitoren dhe tashmë me 99 për qind të mundësive, kemi arritur të sigurojmë fazën e grupeve. Goli? Jam shumë i lumtur për një gjë të tillë dhe besoj se nuk do të ndalem këtu. Gjithsesi, i rëndësishëm është suksesi i skuadrës”, thotë kapiteni i Juventusit, Del Piero.

Ndonëse mungon në Ligën e Kampioneve prej dy vitesh, rikthimi i Juventusit në kompeticionin më të rëndësishëm evropian për klube është i mrekullueshëm. Katër gola në 90 minuta janë një ogur shumë i mirë për një sezon që pritet të jetë mjaft impenjativ për“Zonjën e Vjetër”. Pavarësisht mungesave të shumta në formacionin e hedhur në fushë nga Klaudio Ranieri, Juve nuk duket se i vuan ato përballë një kundërshtari, i cili nuk arrin kurrë të vërë në vështirësi portën e mbrojtur nga Xhanluixhi Bufon. Juventinëve i ka munguar shumë aroma e Ligës së Kampioneve dhe një gjë e tillë dallohet qartë që në minutat e para të sfidës, ku Del Piero me shokët e tij kërkojnë menjëherë golin e avantazhit, i cili nuk do të vonojë. Minuta e shtatë dhe Mauro German Kamoranezi kalon në avantazh bardhezinjtë me një goditje të fortë brenda zonës. Ky episod i jep një marsh më shumë djemve të Ranierit, të cilët dyfishojnë shifrat pas 20 minutash me një gol fantastik të kapitenit Alesandro Del Piero. Një gjuajtje potente jashtë zonës së rreptësisë përfundon nën traversën e mbrojtur nga portieri i formacionit sllovak, dhe 2-0 për Juventusin.Gjithsesi, emocionet e pjesës së parë nuk përfundojnë këtu, pasi mbrojtësi Xhorxho Kielini shënon golin e tretë në minutën e 39-të. Ai që do të vulosë kualifikimin për Juven është një tjetër mbrojtës, Legrotalje, në minutën e 90-të.