70-vjeçarja lind binjakë

Mamaja më e vjetër në botë i ka parë të dy binjakët e saj për herë të parë një javë pas lindjes. Bashkëshortja e një fermeri,Omkari Panuar, 70 vjeçe, ka mbajtur me kujdes në duar dy foshnjat e saj binjake, një djalë dhe një vajzë, duke shprehur krenarinë më të madhe të saj për këtë lindje. “Do të jetë dita më e bukur e jetës sime kur t’i marr të dy foshnjat në shtëpi. Eshtë e vështirë të besoj se pas gjithë këtyre viteve që jam përpjekur më në fund arrita të kem një djalë”, tha indiania që hyri në librin e rekordeve Guinness si nëna më e vjetër në botë, duke thyer rekordin e deritanishëm të mbajtur nga një rumune, cila kishte lindur në moshën 66-vjeçare një vajzë. Nëna me tri vajza dhe 5 nipër e mbesa ka bërë trajtimin IVF në përpjekje të dëshpëruar për të pasur një djalë trashëgimtar. Mjekët në Meerut, Indi, kërkojnë t’i mbajnë foshnjat edhe pak kohë deri sa të forcohen. Omkari tha se: “Për më shumë se 40 vjet kam besuar se Zoti, nuk ka dashur që unë të kem një djalë. Por fati të bën surpriza të çuditshme”. Çifti ka shitur buajt e vet, ka marrë borxhe dhe ka shpenzuar kursimet për të përballuar trajtimin me lindje artificiale prej 5.000 sterlinash.

Qejfe ,qejfe kjo bote.