ORGANET E KENAQESISE TEK FEMRAT

Klitori është organi seksual i femrës. Masa dhe forma janë të ndryshme për femra të ndryshme. Ai mund të shihet shumë lehtë nëse largohet pjesa e lëkurës që mbulon klitorin. Në klitor por edhe në pjesën që rrethon atë ka një sasi të madhe fijesh nervore. Kjo sasi e madhe indesh nervore e bën klitorin shumë të ndjeshëm ndaj një prekjeje direkte, indirekte apo ndaj një tensioni. Stimulimi i zonës së klitorit e bën atë shumë të kënaqshëm.
Klitori, organi i vetëm i përcaktuar për kënaqësi
Në fakt kënaqësia dhe eksitimi që dhuron prekja e klitorit nga partneri apo nga vetë femra njihet si funksioni i vetëm i tij, por pa dyshim shumë i rëndësishëm. Sigurisht që prekja e klitorit nuk shkakton shtatzëni, nuk ndikon në menstruacione apo perioda. Kur një femër nxitet seksualisht në klitor, rritet sasia e gjakut dhe si pasojë edhe masa e tij, madje dimensioni i tij mund të dyfishohet. Megjithatë nuk ka asnjë të dhënë që klitori me masë më të madhe nënkupton një intensitet më të lartë të nxitjes seksuale. Duke qenë se shërben si një stimul erotik dhe një nismë e mirë për arritjen në orgazëm, klitori bëhet më pak i dukshëm dhe fryhet nga indet e mbulesës së klitorit. Kjo fryrje shërben për të mbrojtur klitorin nga kontakti i drejtpërdrejt, i cili për disa femra mund të bëhet më shumë irritues se sa i kënaqshëm. Pas arritjes në orgazëm klitori kthehet në përmasën e tij normale në më pak se 10 minuta, sepse orgazma shkakton shpërndarjen e gjakut të akumuluar. Nëse femrat nuk arrijnë në orgazëm, gjaku, i cili ka shkuar në klitor për shkak të nxitjes seksuale, mund të mbetet atje, duke e lënë në të njëjtën gjendje klitorin, për shumë femra kjo është shumë e parehatshme. Klitori i një femre mund të nxitet përmes kontaktit direkt apo indirekt. Gjatë aktit seksual penisi nuk ka kontakt të drejtpërdrejt me klitorin. Futja e penisit në vaginë, pavarësisht pozicionit që ju preferoni për të bërë seks lëviz buzët që rrethojnë klitorin dhe është pikërisht kjo lëvizje që shkakton orgazmën. Kontakti direkt i klitorit pas prekjes me gisht apo gjuhë mund të shkaktojë më shumë shqetësim se sa kënaqësi për femrat. Për këto femra fërkimi apo stimulimi me gjuhë i zonës përreth klitorit duket të jetë më i kënaqshëm dhe eksitus. Femra të tjera shijojnë më shumë stimulimin e drejtpërdrejt, por kjo është në varësi të ndjeshmërisë së klitorit të çdo femre.