TIRANE DY PERSONA KANE GJETUR VDEKJEN NDERSA PO PUNONIN

TIRANE- Dy aksidente të rënda në punë me pasoje vdekjen e dy personave. Dy ngjarje të rënda kanë ndodhur në Tiranë. Sipas policisë së kryeqytetit në Spitalin Ushtarak ka mbërritur sot në mëngjes pa jetë 44 vjeçari Arben Leçka banues në Kamëz të Tiranës. Nga veprimet hetimore dhe nga deklarimet e dëshmitarëve okularë u konkludua se shtetasi Arben Haki Leçka me punë hidraulik në Bashkinë Kamëz gjatë punës për riparimin e rrjetit, në momentin e futjes në një pusetë buzë rrugës në Çekreze i ka rënë kapaku i betonit të pusetës duke e dëmtuar rëndë në kokë. Ndërkohë policia njofton gjithashtu se dje në darkë është gjetur i vdekur një shtetas në një pallat në ndërtim e sipër në Unazën e Re, Grupi Hetimor që shkoi në vendngjarje konkludoi se viktima është Baftjar Koxha, 67 vjeç, lindur në Burrel dhe banues në Unazën e Re, me punë roje në këtë objekt i cili gjatë lëvizjes ka humbur ekuilibrin duke rënë nga një lartësi prej 3 m ku dhe ka gjetur vdekjen e menjëhershme.






















(a.r/news24/balkanweb)