EKSPERTIZA AMERIKANE:AKSIDENTI VRAU KOSTA TREBICKEN

TIRANE-Kosta Trebicka vdiq nga një aksident apo e vranë? Dilema është zgjidhur nga një ekspert amerikan i aksidenteve me mjete automobilistike: Kosta Trebicka vdiq në një aksident të pastër. Rrjedhimisht, hipotezat për vrasjen e mundshme të tij tashmë bien poshtë. Eksperti amerikan Kevin Teter përfundoi raportin për shkakun e vdekjes së biznesmenit Kosta Trebicka. Nëpërmjet një letrë dërguar Prokurorisë së Përgjithshme, eksperti amerikan ka dhënë versionin e tij të vdekjes të biznesmenit Trebicka, njëkohësisht dhe dëshmitarit kyc të një prej ngjarjeve më të bujshme në Shqipëri, trafikut të armëve të vjetra mes Shqipërisë dhe Afganistanit. Në raportin tashmë në tryezën e Prokurorisë, Teter e ka konsideruar vdekjen e Trebickës, aksident të pastër automobilistik. “Trebicka ka marrë një kthesë të fortë në anën e majtë. Këtë e dëshmon edhe makina e cila është batuar në anën e djathtë. Makina ka rënë mbi trupin e Trebickës duke i shkaktuar atij vdekjen e menjëhershme. Nderkohe që për shkak të pjerrësise së rrugës makina ka lëvizur mbrapsht për afro 40 metra. Kjo shpjegon dhe faktin pse trupi i pajetë gjendej larg nga automjeti i dëmtuar”, bëri të ditur Prokuroria disa nga detajet në raportin e ekspertit amerikan. Kevin Teter erdhi në Shqipëri pas kërkesës së Prokurorisë së Përgjithshme për të hetuar rreth vdekjes së Trebickës. Trebicka u gjet i vdekur në një fshat të thellë të Korcës më 12 Shtator të këtij viti. Vdekja e tij ngjalli dyshime pasi ai konsiderohej si një nga dëshmitarët kryesorë të aferave të tregtisë së armëve mes shtetit shqiptar dhe një firme amerikane për t’i dërguar në Afganistan. Policia e konsideroi vdekjen e tij aksident, kurse Prokuroria kërkoi mendimin e një eksperti amerikan për të dalë më pas në një përfundim zyrtar. Ishte Kevin Teter, specialist auto-teknik për aksidentet që mbërriti në Shqipëri dhe hetoi makinën e Trebickës dhe atë vendin ku biznesmeni u aksidentuar. Hetimi për vdekjen e Trebickës konsiderohej prej ditësh i bllokuar për shkak të raportit të ekspertit amerikan mbërriti vetëm dje. Përmbajtja e tij u bë sot publike nga Prokuroria. Opozita e konsideroi vdekjen e Kosta Trebickës si një eleminim që atij iu bë nga njerëz të cilët kiihsin organizuar trafikun e armëve nga Shqipëria në Afganistan. E vërteta është që për Kosta Trebickën, duke u nisuar ng ajo që ai vetë kishte dëshmuar, ekzistonin gjithë motivet për ta eeleminuar fizikusht. Eksperti amerikan provoi që në fakt kanë ekzistuar gjithë shkaqet që vdekja e tij të ketë qenë pasojë e një aksidenti fatal automobilistik.

vetem aksident qe nuk ishte ....