Përplasen 3 makina, vdesin 2 të rinj, 4 plagosen.

Një aksident i rëndë ka përgjakur në orët e para të mëngjesit atostradën Tiranë-Durrës. Si pasojë e përplasjes së 3 automjeteve me njëra-tjetrën kane gjetur vdekjen 2 të rinj. Policia ka përcaktuar shkaqet e aksidentit

DURRES-Dy të rinj të vdekur dhe katër persona të plagosur është bilanci i një aksidenti të rëndë në autostradën Tiranë-Durrës. Ngjarja ndodhi sot rreth orës 02:00 të mëngjesit në segmentin ndërmjet Sukthit dhe Urës së Dajlanit ku tre automjete janë përplasur me njëra tjetrën. Burime policore nga Durrësi bënë të ditur se si pasojë e përplasjes kanë gjetur vdekjen e menjëhershme shtetasit Alban Sollaku 20 vjec, Jetmir Mazreku po i moshës 20 vjec, banorë të qytetit të Durërsit. Mazreku ishte dhe drejtuesi i një prej automjeteve, tip golf me targë AI 518 CS që u përplas me automjetin tip BMË TR 55224N që drejtohej nga shtetasi Kujtim Troci. Përplasjes me dy automjetet nuk i ka shpëtuar as automjeti pas tyre e tipit SEAT DR 1491 E me të cilën udhëtonte Edmon Barushi. Nga të njëjtat burime mesohet se të plagosur kanë mbetur shtetasit nga Edmond Barushi, Teo Aliko, Ilir Mazreku, Kujtim Troci dhe Edmond Barushi të cilët janë dërguar në spitalin ushtarak të Tiranës.
Policia e cila ndodhet në vendngjarje që prej orëve të para të mëngjesit po heton për shkaqet e aksidentit. Nga hetimet paraprake dyshohet se shkak mund të ketë qënë shpejtësia e të tre automjeteve.