Policia : 250 mijë euro informatorit të atentatorit.

• Një grup ekspertësh po hetojnë hollësisht mbi aktivitetin e ditës së djeshme dhe më parë të deputetit të vrarë socialist Fatmir Xhindi. Policia vë në dispozicion numrat e telefonit 06941 03251 dhe 06941 07 507.

TIRANE-Një grup hetimor nën drejtimin e drejtuesve të prokurorisë për krime të rëndë po merren me grumbullimin dhe shqyrtimin e provave të ngjarjes së rëndë të ndodhur në orën 21.00 të së shtunës në Roskovec të Fierit.

Policia e shtetit informon se grupi hetimor është i përbërë nga ekspertët më të mirë të hetimit të krimit në policinë e shtetit, ekspertët të laboratorit shkencor, të institutit të mjekësisë ligjore dhe të strukturave të SHISH-it.

Policia informon se të gjithë strukturat e policisë së shtetit kanë kaluar në shërbim të përforcuar për marrjen e masave kufizuese dhe kontrolluese të teritorit ku mendohet të lëvizë ose strehohet autori i krimit të rëndë.
Policia informon se deri në këto momente “është bërë këqyrja e hollësishme e vendit të ngjarjes, filmimi dhe fotografimi i tij, fiksimimi dhe sekuestrimi në cilësin e provës materiale i 15 gëzhojave model 56, kalibri 7.62 milimetra, sekuestrimi i katër bërdhamave të predhave dhe pesë copë këmishave të predhave, sekuestrimi i një pako aspirinë tabletë, sekuestrimi i një qese plasmasi, ekzaminimi mjekoligjor i kufomës, marrja e mostrave të gjakut nga viktima dhe vendi i ngjarjes”.

Provat janë vënë në dispozicion të Laboratorit Qëndror Kriminalistik dhe Institutit të Mjekësisë Ligjore për përpunime dhe ekzaminime krahasuese të mëtejshme shkencore.Policia informon se gjatë natës janë shoqëruar dhe pyetur në cilësin e personave që tregojnë rrethanat e dobishme të hetimit 10 shtetas si dhe eshtë hetuar dhe po hetohet hollësisht mbi aktivitetin e ditës së djeshme dhe më parë të viktimës.

”Policia e Shtetit në bashkëpunim të ngushtë me institucione të tjera të zbatimit të ligjit po punon intensivisht për marrjen e informacioneve dhe analizimin e tyre me interes zbardhjen sa më parë të kësaj ngjarje shumë të rëndë.” – thuhet në njoftimin për shtyp të Policisë së Shtetit .
Policia e Shtetit fton cdo qytetarë të bashkëpunojë në dhënien e informacioneve për zbardhjen e kësaj ngjarje dhe vë në dispozicion 250 mijë euro shpërblim duke ruajtur anonimatin.

Për çdo informacion policia vuri në kontakt numrat e telefonit 06941 03251 dhe 06941 07 507.

SHPRESOJ TE KAPET DIREKTE ATENTATORI POR MENDOJ SE TASHME DO TA KENE EKZEKUTU QE KESHTU E VERTETA MOS TE DAL KURRE NE SIPERFAQE ASHTU SI VEPRUHAN ME AZEM HAJDARIN