Gripi i derrit, vdes pacientja e dyshuar në Kosovë.

• Gripi i derrit që infektoi Meksikën dyshohet se ka mbërritur në Ballkan. Edhe pse rezultatet e para të analizave kanë rezultuar negative, nuk ka mundur të mbijetojë 27 vjecarja e dyshuar me gripin e derrit në Kosovë. Pritet konfirmimi nga autoritetet, nëse kemi të bëjmë me shfaqjen e virusit.

PRISHTINE-Kosovë, vdes pacientja e dyshuar me grip derri
Ora: 16:01- Ka vdekur në Kosovë pacientja e dyshuar me sëmundjen e gripit të derrave. Megjithatë, pritet të bëhen edhe analizat të tjera, sepse analizat e para të saj kanë rezultuar negative.
Zyrtarë të Instituti Kombëtar të Shëndetit Publik thanë se vajza 27 vjeçare nga Stublla e Vitisë, e cila është trajtuar në Qendrën Emergjente, me dyshimin se kishte probleme në mushkëri e zemër, kishte ardhur para një jave nga Zvicra.
Instituti Kombëtar i Shëndetit Publik ka marrë të gjitha masat e sigurisë, kurse mjekët e Qendrës Klinike Universitare të Kosovës janë këshilluar të përdorin maskat.
I gjithë personeli i Qendrës Klinike Universitare të Kosovës është mobilizuar për t’u përballur me rastet eventuale të dyshuara me gripin e derrave.
Rasti në Kosovë shton rrezikun e përhapjes se virusit H1N1 edhe në vendin tonë për shkak të hyrje-daljeve të shumta mes dy vendeve. Pas Italise ku janë shfaqur tre raste, Kosova është vendi më i afërt ku evidentohet ky virus vdekjeprurës.
Edhe pse ka zëra se virusi është sezonal dhe po reduktohet tani për të rinisur sërish në vjeshtë, Organizata Botërore e Shëndetësisë vazhdon të ruajë nivelin e lartë të rrezikut që i kanoset botës.

Gripi i derrit pranë Shqipërisë. Një rast i dyshuar në Kosovë
Ora: 15:38- Gripi I derrit që po alarmon botën është shumë praën Shqipërisë. Një rast i dyshimtë i gripit te derrit është bërë i ditur nga Kosova. Rasti i parë i dyshimtë që është prekur nga gripi i derrave është lajmëruar sot në Qendrën Klinike Universitare të Kosovës, respektivisht në Klinikën e emergjencës. Zyrtarët e Institutit Kombëtar të Shëndetit Publik, në një konferencë për media, kanë njoftuar se janë duke pritur konfirmimin e analizave për të kuptuar nëse fjala është për Gripin A, që deri më tani ka marrë jetën e së paku 30 personave në mbarë botën.
Naser Ramadani, drejtor i IKSHP-së, konfirmoi se pacientja e dyshuar është pranuar mbrëmë në njësinë emergjente të QKUK-së, me probleme me zemër dhe mushkëri, të cilat sipas tij janë simptomat karakteristike të këtij gripi. Sipas zyrtarëve të Institutit të Shëndetit Publik, analizat e para pritet të përfundojnë rreth orës 16:00.
Pacientja e parë e dyshuar me gripin e derrave në Kosovë, është nga komuna e Vitisë, ndërkohë që dy javë më herët ajo është kthyer nga Zvicra.

I gjithë personeli i QKUK-së, është mobilizuar për tu përballur me rastet eventuale të dyshuara me gripin e derrave.
Ndërkohë sot Organizata Botërore e Shëndetësisë njoftoi se numri i përgjithshëm i të sëmurëve në Botë nga virusi H1N1 apo siç quhet ndryshe gripi i derrave, ka shkuar në 1490.
OBSH tha sot se 30 persona kanë vdekur nga kjo sëmundje, dhe se të gjitha rastet, përveç njërit, janë regjistruar në Meksikë.
Përfaqësuesi i OBSH-së, Keiji Fukuda tha se shumica e rasteve të reja të të infektuarve janë nga Meksika.

shpresome te ngelet rast i vetem

joo eshte konfirmu qe nuk ka qen grip i derrave