Fier, makina del nga rruga, vdesin dy të rinj.

• Dy të rinj kanë humbur jetën pasi makina me të cilën udhëtonin ka dalë nga rruga. Ngjarja ka ndodhur në Marinzë të Fierit. Policia bën të ditur se për shkak të shpejtësisë tej normave të lejuara, automjeti ka dalë nga rruga duke përfundur në kanal.

FIER- Një aksident i rëndë automobilistik ka ndodhur në orët e mbrëmjes së sotme në Marinzë të Fierit. Si pasojë e këtij aksidenti kanë mbetur të vdekur dy të rinj. Viktimat janë, Marjus Kaceli,17 vjeç dhe Eriglen Prifti,18 vjeç.

Policia e qytetit të Fierit ka mbërritur menjëherë në vendin e ngjarjes dhe sipas hetimeve paraprake të saj mendohet se shkak i këtij aksidenti tragjik ka qenë shpejtësia tej normave të lejuara. Sipas policisë kjo shpejtësi tej normave të lejuara ka bërë që makina të dalë nga rruga, të përplaset me bordurën e një ure aty pranë, e më pas të përfundojë në kanal. Kjo goditje ka qenë fatale për dy të rinjtë të cilët kanë humbur dhe jetën.