6 shenja që një shoqëri nuk duhet vazhduar

Do donim që çdo mesazh apo këshillë të ishte për të forcuar miqësitë, por realiteti duhet parë në sy. Ndonjëherë për një jetë më të mirë, duhen larguar ca njerëz që i ke mbajtur për shok sepse ata nuk janë të tillë. Vendim aspak i lehtë, por ja që është më mirë të bësh një hap të tillë sesa të vazhdosh të mashtrosh veten dhe të mashtrohesh nga të tjerët.

Ja 6 shenja qe duhet te ndaheni me miqte

Të kritikojnë. Të kritikojnë për mënyrën si vishesh? A të vënë poshtë kur nuk bën diçka “perfekte”? A u flasin të tjerëve keq për ty?

Duken sikur duan të konkurrojnë me ty më shumë sesa të mbështesin. A bëjnë komente që theksojnë si ata “e bënë më mirë diçka”? A përpiqen të kopjojnë interesat dhe hobit e tu në mënyrë që “të të mundin” në një farë mënyre?

Të përdorin. Të kërkojnë gjithmonë një nder? Të kanë borxh para, por gjithmonë nxjerrin justifikime që nuk po t’i kthejnë? Gjithmonë kërkojnë ndihmë, po nuk janë asnjëherë aty kur ke nevojë për ndihmë?

Ngacmojnë partnerin tënd, ose fillojnë të dalin me ish-in tënd pa folur më parë me ty. Këto veprime janë një pasqyrim sa e vlerësojnë vërtet miqësinë tënde.

Të gënjejnë, shumë. Ca gënjeshtra të vogla është tjetër gjë, por nëse janë shumë, mund ta ndikojnë vërtet për keq vërtetësinë e marrëdhënies. Nëse je një tip që e vlerëson ndershmërinë, brishtësinë dhe krijon miqësi të thella, një mik që gënjen në mënyrë konstante nuk do jetë mbështetje.

Ata në të vërtetë nuk të mbështesin fare. Kur ti kalon kohë të këqija, a janë aty? A të japin një vesh për të dëgjuar? i mbështesin synimet e tua? Atë ngrejnë humorin kur je poshtë dhe të pyesin si ke qenë?

Bëji vetes këto pyetje: Pse e kam shok ose shoqe këtë person? Çfarë fitoj duke qenë mik me të? Çfarë kënaqësie marr nga kjo miqësi?

Në qoftë se vërtet nuk u përgjigjesh dot këtyre pyetjeve dhe nëse disa ose të gjitha këto pika janë të vërteta për ty, atëherë një ndarje legjitime mund të vijë.

Në fund, mos harro: miqësitë tona janë pasqyrim i vetes sonë. Duke u rritur si qenie njerëzore, mund të kuptojmë që disa aspekte të vetes nuk po na shërbejnë. Si rezultat, mund të ndryshojmë edhe miqtë. Kjo mund të kërkojë të krijojmë pak distancë për veten që të rritet, ose të vendosim kufij për veten dhe të shkëputemi nga ai mik ose mikeshë. Cilado qoftë zgjedhja, të dyja janë mënyra natyrale rritjeje.