Skënderaj, në studio për albumin e dytë

Stina e dimrit sjell lajme të reja për Alban Skënderaj. Pasi ka nxjerrë videoklipin e këngës "Eklips", Skënderaj thotë se nuk dotë ketë ndonjë hit të ri, vere. Është duke punuar për albumin e tij të dytë dhe është tërësisht i fokusur tek ai. Promovimi mund të bëhet rreth muajve nëntor, apo dhjetor dhe do të shoqërohet nga një tur koncertesh në Shqipëri dhe Kosovë. Megjithatë Albani thotë se është ende herët për të folur për detajet e albumit dhe promovimit të tij. Ndërkohë mësohet se artistë gjermanë kanë treguar interes për të bashkëpunuar me Skënderajn.

Këngëtari ka paraqitur disa materiale dhe është paraqitur në studiot gjermane. I zgjedhur si i ftuar nderi në koncertin e "Schiller", Skënderaj ndihet vërtet i privilegjuar. Ai thotë se ndër grupet që luajnë rrymën elektronike, "Schiller" është më i preferuari. "Unë luaj një rrymë tërësisht të ndryshme, por më pëlqen sepse në të vërtetë bëhet fjalë për një miks rrymash. Më pëlqen mënyra e të kënduarit të tyre, sidomos live. Ka afërsi me baladat".