Skuadra A.C MILAN

Adriano Galliani eshte shprehur se ka marre nje faks nga skuadra e Arsenalit e cila ishte shprehur se eshte e gatshme per te hapur tratativat per shitjen e Emmanuel Adebayor.Sipas Gallianit duhet vepruar me kujdes pasi ne loje eshte edhe skuadra spanjolle e Barcelones:
- Nese Adebayor vendos te largohet nga skuadra londineze eshte e kuptueshme se kerkon skuadren e Milanit,por eshte edhe e qarte se nese vjen nje oferte e pa rezistueshme nga skuadra e Barcelones,ateher per te do te ishte e veshtire per ta refuzuar.
Ne strategjine e merkatos te Milanit se fundi shfaqet edhe nje emer i ri ai i sulmuesit rus Roman Pavlyuchenko.

po patet mundesi me vu aty gjith merkaton e milanit, dhe per portier ca ka bo, po rolandinjon, a do e marin?? f.l.m

Momentalisht mungon çdo lloj konfirmimizyrtar,por ambienti kuqezi po përgatitettë presë yllin e ri,Ronaldinjo. Adriano Galiani i shoqëruar nga ndihmësit e tij, Arielo Braida dhe Ernesto Bronxeti kanë pasur një takim të gjatë dhe frytdhënës me presidentin e skuadrës katalanase, Joan Laporta. Nga sa përflitej në median italiane Ronaldinjo mund të quhet një lojtar i Milanit që nga mbrëmja e djeshme, pas marrëveshjes që të dyja skuadrat kanë arritur ndërmjet tyre për një shifër që përflitet të jetë rreth, 18.5 milionë euro, plus premios që Barcelona do të përfitonte nga një paraqitje e mirë e Ronaldinjos me fanellën e "djajve". Nëse çdo gjë nga këto është e vërtetë, atëherë, ish-ylli i Barcelonës pritet të mbërrijë ditën e sotme në Milanelo nga ku do të bëhet zyrtare edhe transferimi i tij.Shifrat - Nga sa përflitej nga burime të brendshme të takimit ndërmjet Milanit e Barcelonës, çështja "Ronaldinjo" ka filluar mbi ofertën e 10 milionë eurove që klubi i Silvio Berluskonit kishte paraqitur,ndërkohë që kërkesa e Barcelonës ishte minimalisht 25 milionë euro. Gjithsesi, pas bisedimesh të gjata, është mësuar se marrëveshja mund të mbyllej fillimisht mbi shifrën e 18.5 milionë eurove. Në bazë të paraqitjeve që Ronaldinjo do të tregonte në "San Siro",skuadra katalanase do të arrinte të përfitonte edhe 1.5milionë euro të tjera, në formë premioje. Nga ana tjetër, nëse Ronaldinjo do të zyrtarizohet si një lojtar kuqezi, atëherë ai do të përfitojë rreth 6.5 milionë euro në sezon.Misteri i transferimitKur të gjithë e deklaronin të mbyllur një marrëveshje të tillë, Rafal Juste, një prej drejtuesve të Barcelonës ka deklaruar për median se, asgjë konkrete nuk është mbyllur mbi Ronaldinjon: "Bisedimet do të vazhdojnë përsëri, por Ronaldinjo, momentalisht është ende një lojtar i yni".

Ronaldinjo, i veshur me fanellën kuqezi është prej vitesh një ëndërr e skuadrës, por mbi të gjitha e tifozerisë së Milanit, e cila nga dita e djeshme është bërë realitet. Ish-ylli brazilian i Barcelonës, do të fillojë një tjetër aventurë të rëndësishme për karrierën e tij. Pas marrëveshjes së arritur dy net më parë ndërmjet zëvendëspresidentit milanist, Adriano Galiani e numrit një të katalanasve, Joan Laporta, dje nëmesditë Ronaldinjo i shoqëruar nga delegacioni kuqezi ka mbërritur në qendrën stërvitore të Milanit. “Ish-Topi i Artë” është pritur mes ovacioneve të 4000 tifozëve, por gjithashtu edhe nga të gjithë shokët e tij të ardhshëm, të cilët dje kanë hapur zyrtarisht edhe sezonin e ri futbollistik, 2008-2009.Ronaldinjo është shprehur i emocionuar pas një pritjeje të tillë dhe premton ta shpërblejë këtë entuziazëm:“Pas shumë peripecish,tashmë mund të mshprehem lirshëm se jam shumë i lumtur që mbërrij në Milano. Kisha kohë që e prisja një moment të tillë,ndërkohë që tashmë dua të shijoj këtë atmosferë elektrizuese. Milani është klubi numër një në botë në bazë të trofeve të fituar dhe sigurisht që nuk dua absolutisht të zhgënjej besimin e shfaqur nga drejtuesit e skuadrës ndaj meje, por mbi të gjitha tifozerinë kuqezi, të cilën dua ta falënderoj për këtë pritjemadhështore. Nga ana tjetër,nuk mendoj se këtu do ta kem shumë të vështirë të ambientohem, duke qenë se pjesë e kësaj skuadre janë disa ndër shokët e mi më të ngushtë si Kaka e Pato, por gjithashtu edhe kampionë të tjerë si Maldini e Pirlo”, shprehet në prezantimin e tij të parë në Milanelo, ylli brazilian Ronaldinjo, i cili kujtojmë që do të firmosë një kontratë trevjeçare me Milanin për një shifër prej 6.5 milionë eurosh në sezon.Adriano Galiani – Nëse Ronaldinjo është i lumtur që ka zbritur në Milano, administratori dhe njëkohësisht zëvendëspresidenti i Milanit,Adriano Galiani, është shumë i lumtur që ka arritur të mbyllë me sukses një marrëveshje, e cila për muaj me radhë ka qenë në qendër të merkatos evropiane. “Sot (dje) është një ditë e madhe për ne, e cila mbërrin pas një sezoni jo shumë të mirë. Pas Abiatit, Zambrotës,Antoninit dhe Flaminisë kemi arritur të sjellim një tjetër kampion në skuadrën tonë. Tashmë, besoj se jemi të gatshëm për të synuar titullin kampion dhe Kupën UEFA. Ronaldinjo? Besoj se lojtari nuk ka nevojë për komente të shumta.Ne si drejtues kishim detyrën ta sillnim në Milano, ndërkohë që tashmë ia pasojmë atë duarve eksperte të Karlo Ançelotit. Lojërat e Pekinit?Ronaldinjo ka shprehur vullnetin për të qenë i pranishëm në to dhe ne nuk do ta pengojmë”.Karlo Ançeloti – Pas shtatë vitesh, ajo e djeshmja ka qenë padyshim dita e grumbullimi më e lumtur për trajnerin kuqezi. Mbërritja e Ronaldinjos i ka dhënë një tjetër frymë optimizmikuqezinjve në arritjen e objektivave të sezonit të ardhshëm: “Jam shumë i lumtur që Ronaldinjo është zyrtarisht një lojtar i yni. Do të jetë një kënaqësi e veçantë për mua që të stërvit një kampion të kalibrit të tij. Nga ana tjetër,jam shumë i sigurt se braziliani do t’i japë një stimul më shumë shokëve të tij të rinj për të fituar kampionatin dhe Kupën UEFA”.

Milan, Ronaldinjo zgjedh fanellën me numrin 80.Gjatë prezantimit të fanellës së re të Milanit është zyrtarizuar edhe numri që do mbajë mbi shpatulla Ronaldinjo. Braziliani do veshë fanellën me numrin 80, meqenëse ka lindur më 21 mars të vitit 1980. Ndërkaq, zyrtarë të firmës së njohur "Adidas" bëjnë të ditur se që tani janë prenotuar rreth 11 mijë fanella të Ronaldinjos me numrin 80.Zgjedhja e Ronaldinjos është bërë e ditur nga administratori kuqezi,Adriano Galiani, i cili ka shpjeguar se te Milani nuk i bëhet presion lojtarëve për të lëshuar numrin e fanellën, duke iu referuar numrit të fanellës së mesfushorit Klarens Sedorf, numër të cilin e donte ta merrte Ronaldinjo. Duke hasur në kundërshtimin e holandezit, braziliani vendosi të merrte fanellën kuqezi me numrin 80.

Matjë Flamini nuk është një futbollist që kënaqet me pak.Kur ishte fëmijë ëndërronte të shikonte Hënën,meqenëse është i pasionuar pas hapësirës, ndërsa tani që është te Milani ëndërron të fitojë kampionatin. I intervistuar nga “Gazzeta dello Sport”, mesfushori francez tregon të gjitha prapaskenat që e çuan te skuadra e “Djallit”.
Çfarë mesfushori është Flamini?
Jam një mesfushor fizikisht i fortë, por në të njëjtën kohë teknik. Motoja ime është të luaj sa më shpejt me topin dhe të ndërpres manovrën e kundërshtarit.
Pse zgjodhët Milanin, kur ju kërkonin Real Madrid, Barcelona dhe Juventusi?
Ka qenë një vendim i lehtë. Arsenali nuk më dha mundësinë të qëndroja në Londër. Milani më ka kontaktuar duke më dhënë menjëherë mundësin të ndihesha i rëndësishëm. Klubet e tjera nuk i kam marrë kurrë në konsideratë.
Ç’do të thotë për ju të jesh një lojtar i Milanit?
Këtu jam në klubin që ka fituar më shumë në botë. Për mua ky është një nder i madh.Dhe si objektiv të vetëm kam të futem sa më shpejt në historinë e këtij klubi.
Si ju është dukur ambienti te Milani?
Ka një organizim të madh. Ne lojtarët trajtohemi si mbretër.Duhet të mendojmë vetëm për të zbritur në fushë.
Çfarë ndryshimi ka ndërmjet Ançelotit dhe Vengerit?
Hera-herës Ançeloti më duket
si një trajner që i qëndron më pranë lojtarëve, për më tepër ai është edhe një fitues i madh. Ndërsa Venger nuk është i tillë.
Çfarë ndjen kur shikon edhe Ronaldinjon te Milani?
Me të ndihem mirë, gjatë stërvitjes bëjmë shpeshherë shaka. Jam i sigurt që ai do t’i japë shumë Milanit.
Kur nuk jeni në fushë, apo stërvitje me se merreni?
Shkoj në kinema, sepse i adhuroj filmat. Dëgjoj shumë edhe muzikë.
Çfarë do t’ju mungojë nga Londra?
Parqet, kur isha në Londër shpeshherë çlodhesha në park, ndërsa këtu nuk Itali nuk ka.
Cili është objektivi kryesor që doni të realizoni me fanellën kuqezi?
Titullin kampion Italie. Duke parë skuadrën që ka ndërtuar klubi kuqezi, besoj se do ta realizojmë.
Çfarë ëndërronit kur ishit fëmijë?
Të shkoja në Hënë, sepse më pëlqente hapësira.
Po sot çfarë ëndërroni?
Të fitoj titullin kampion Italie me Milanin, dhe një karrierë të mrekullueshme me fanellën kuqezi.
AFTESITE
E Djathta 8
E Majta 7.5
Me kokë 6.5
Gjuajtja 7
Starti 7.5
Personaliteti 8.5
Fantazia 7
Karakteri 8
Vizion loje 8.5

Pas shkatërrimit në miqësoren kundër Çelsit, Adriano Galiani, administratori i deleguar i Milanit, duket se nuk e ka kapërdirë aspak atë poshtërim të skuadrës së tij, ndaj për ditën e sotme ka planifikuar një mbledhje urgjente me trajnerin Karlo Ançeloti, nga i cili kërkon shpjegimet e një paraqitjeje të atillë: “Sigurisht, që Milani i zbritur në fushë kundër Çelsit nuk është skuadra jonë e vërtetë, pasi kishim në dispozicion vetëm një prej shtatë sulmuesve tanë, por gjithsesi ky fakt nuk e justifikon rezultatin e turpshëm. 5-0 është një shifër që më demoralizon shumë, duke parë gjithë sforcimet tona ekonomike për të përforcuar këtë grup lojtarësh. Ne jemi klubi më i pasur në botë për sa i takon titujve të fituar, kështu që paraqitje të tilla janë të papranueshme për prestigjin tonë. Ditën e nesërme kam planifikuar një takim me trajnerin tonë, Karlo Ançeloti, nga i cili pres shpjegimet e asaj humbjeje”. Më pas, Adriano Galiani ka sqaruar një tjetër problem që shqetëson aktualisht tifozerinë milaniste, dëmtimin e Kakasë: “Dëmtimi i tij është nën kujdesin e rreptë të stafit tonë mjekësor (ndërkohë që lojtari shprehet se mund të rikthehet në stërvitje vetëm pas dy javësh).Po ashtu edhe gjendja e Nestës dhe Kaladzes po përmirësohet dita-ditës”.

Gjithçka merr fund, por për keq ama! Asnjë huazim, as me të drejtë rikhtimit në mënyrë të detyruar, por vetëm kërkesë për një shitje me titull përfundimtar, dhe jo më pak se 20 milionë euro. Kushtet e vendosura nga Çelsi për Milanin, për ta lënë të lirë Andrei Shevçenkon, janë refuzuar nga klubi kuqezi dhe ka dështruar kështu shpresa e një rikthimi në Milano e sulmuesit ukrainas. Milani, në këtë aspekt, kthehet në merkaton e mbrojtësve: ardhja e të paktën një elementi është e sigurt. Ky i fundit nuk do të jetë Radosllav Kovaç, pavarësisht nga kushtet ekonomike të blerjes dhe rroga e cilësuar e pranueshme. Pista të çon akoma te Branisllav Ivanoviç, por marrëdhëniet me Çelsin nuk janë shumë të qeta, pas dështimit të çështjes “Sheva”. Por një emër tjetër është edhe ai i Rafael Markezit. Pep Guardiola e ka konsideruar shpesh të pashitshëm lojtarin, por meksikani i Barcelonës kërkon të ketë siguri mbi aktivizimin e shpeshtë me katalanasit në sezonin e ri. Më larg, por jo për t’u skarcuar, janë ofertat e merkatos braziliane me Tiago Silvën dhe Aleks Silvën.

Dhe, në pritje për të njohur “goditjen” e fundit të kuqezinjve, mbetet zhgënjimi për Andrei Shevçenkon, akoma edhe një herë i paaftë për t’u liruar nga “prangat” e mikut (ose ish) të tij Roman Abramoviç. Dëmtimi i Didië Drogbasë i ka hapur ukrainasit ndonjë mundësi më shumë, por tashmë në mendjen e tij, pas dy viteve të vështira në Londër, ishte kthyer menjëherë të sintonizohej me frekuencat e dashura kuqezi. Me moralin që tani të ulur, Sheva rrezikon të përfundojë poshtë nivelit të barit të gjelbër të “Stemford Brixhit”. Dhe të mendosh se “Cari i Lindjes” ishte bërë gati që në ndeshjen miqësore të kombëtares së tij, ku luajti 45 minuta. Është një stadium që pret diçka. Që në fillim zbavitet, duke bërë “ola”, pastaj përqendrohet te një djalosh me fanellën me numrin 7.

Ndoshta djaloshit do t’ia heqin shiritin e kapitenit, por tërheqja e tij për ukrainasit është gjithnjë e njëjtë. Kur në fillimin e pjesës së dytë të një miqësoreje kundër Polonisë, trajneri i kombëtares Mikhailiçenko zbret në fushë, Andrei Shevçenkon në vend të Andrei Voroninit, mijëra njerëz shtrijnë pamjen, për të parë nëse është kampioni që kujtojnë, ose hija e vetvetes që tregojnë në Londër, dhe që Skolari nuk denjon as ta mbajë në stol. “Ka shumë nga ai inat në trup që mund të çajë botën,” - thonë miqtë e tij. “Nuk e kuptoj se si mund të mendohet që nuk jam më një futbollist i motivuar,” - thotë Sheva. Pas dy vitesh në “emigrim”, Shevçenko mezi pret orën për të vrapuar në fushë, për më shumë se pesë minuta. Eshtë pikërisht ky efekt para syve të atyre që e shohin: është sikur të shohësh një të sëmurë që del nga shtëpia pas shumë ditësh. “Mikhailiçenko i kishte thënë që do ta aktivizonte në pjesën e dytë, ndoshta gjysmë ore. “Unë ndihesha mirë. Njerëzit donin golin tim? Nuk mendova të shënoja, por të vrapoja për 45 minuta.” Një sakrificë e kotë me sa duket, që ia ndërpreu në momentin më të mirë, Çelsi dhe Abramoviçi.
































sportishqiptar.

Pas një lufte të fortë krahu ndërmjet presidentit të Çelsit, Roman Abramoviç, dhe atij të Milanit, Silvio Berluskoni,më në fund Andri Shevçenko është zyrtarisht futbollist i klubit italian. Këtë lajm e ka konfirmuar edhe vetë administratori kuqezi, Adriano Galiani. I intervistuar drejtpërsëdrejti nga “Milan Channel”, ai ka deklaruar se Sheva që nesër do të vijë në Milano, për të veshur fanellën kuqezi të Milanit.“Pas një serie telefonatash,që kanë zgjatur pothuajse gjithë ditën, më në fund kemi arritur marrëveshjen me Çelsin. Andri do rikthehet në shtëpi. Madje, ai do jetë në Milano që nesër. Të hënën do i nënshtrohet vizitave mjekësore, e më pas do firmosë kontratën për tu vendosur përfundimisht nën urdhrat e trajnerit Karlo Ançeloti. Arritëm ta sjellim në shtëpi futbollistin që ka bërë më shumë gola nga të gjithë gjatë 50 viteve të fundit. Presidenti Berluskoni dhe unë jemi shumë të lumtur për këtë. Të njëjtin gëzim ndan me ne edhe kreu ynë i pankinës. Por mendoj se ky rikthim në shtëpi gëzon edhe tifozët kuqezi.Them se Milani është i vetmi klub në botë, që ka në organikën e tij tre fitues të ‘Topit të artë’. Tani që Andri është kthyer në shtëpi, si tifoz i Milanit unë ndihem vërtetë i lumtur. Me Shevçenkon kam folur 48 herë gjatë tri orëve të fundit. Duke filluar që nesër mbrëma, Andri Shevçenko do jetë në Milano,për të rinisur jetën e tij si futbollist i Milanit. Ai gaboi që u largua, por besoj se tani e ka kuptuar që kjo është shtëpia e tij e vetme”, tha drejtuesi kuqezi, Galiani.

SENDEROS “Milani, një ëndërr
që u bë realitet”
Klubi kuqezi ka zyrtarizuar blerjen në formë huazimi të mbrojtësit të Arsenalit, Senderos. Ndërkaq, mbrojtësi zviceran ka nisur dje stërvitjen me skuadrën e tij të re: “Transferimi im ka ndodhur shumë shpejt, – ka thënë Senderos, – te Milanit të gjithë janë njerëz të thjeshtë dhe që në fillim më kanë bërë të ndihesha si i shtëpisë. Milani dëshiron të kthehet sa më shpejt në Ligën e Kampioneve dhe unë do të bëj të pamundurën për ta ndihmuar. Kur do më shikoni në fushë?Të shohim, më parë duhet të bëj disa teste, do të stërvitem për dy javë dhe pasi të jem konsultuar me stafin mjekësor, do vendosim së bashku se kur do futem në fushë”, përfundoi mbrojtësi i ri i kuqezinjëve.

rroft milani!njish esht!

Kaka sezoni tjeter per Real Madridin0 Komente



Babai/agjenti i superyllit të Milanit, Ricardo Kaka, ka deklaruar se në sezonin e ardhshëm braziliani do të jetë lojtar i Real Madridit.Derisa është spekuluar se Kaka është shënjestra kryesore e Florentino Perezit, babai i tij Bosco Leita, u ka thënë mediave se ish-lojtari më i mirë në botë në sezonin që vjen do ta veshë fanellën e Los Blancos.
“Kaka do të luajë për Real Madridin e Florentino Perezit”, ka deklaruar Bosco. Së shpejti pritet që Perez të mbajë takime me zëvendëspresidentin e Milanit, Adriano Galliani, dhe me presidentin Silvio Berlusconi, për të diskutuar çmimin e lojtarit, të cilin presidenti i ardhshëm i Mbretërve pretendon ta ulë nga 60 milionë në 50 milionë euro.