TENTON TE VRASE NENEN ME GRANATE MBETET I VDEKUR

Tenton të vrasë nënën, por përfundon i vdekur nga shpërthimi një granate. Ngjarja e rëndë ka ndodhur në orët e vona të së shtunës në qytetin e Lezhës. Policia lokale njoftoi se një 40 vjeçar humbi jetën si pasojë e shpërthimit të një granate, ndërsa u plagos rëndë dhe nëna e tij. Sipas të njëjtit burim, ngjarja ndodhi rreth orës 23.00 të së shtunës, në lagjen “Caraj” në qytetin e Lezhës, ku si pasojë e shpërthimit të një granate dore, gjeti vdekjen 40- vjeçari Genc Gjinaj, ndërsa u plagos rëndë nëna e tij, Marie Gjinaj, 65 vjeç. Zëdhënësja e Drejtorisë së Policisë së Qarkut Lezhë, Eliona Nika tha se nga hetimet paraprake ka rezultuar se viktima Genc Gjinaj është edhe personi që shkaktoi shpërthimin të granatës. Zëdhënësja tha gjithashtu se “nga burime në vendngjarje, mësohet se 40 vjeçari Gjinaj është kthyer në shtëpi rreth orës 22:00 në gjendje të dehur dhe sapo ka hyrë në banesë, ku jetonte me qira me nënëne tij Marie Gjinaj, janë grindur.Fqinjët thanë për policinë se kanë dëgjuar britma nga brenda banesës ku jetonin nënë e birë dhe pas kanë dëgjuar shpërthimin e fortë”. Forcat e policisë së Lezhës kanë mbërritur në vendin e ngjarjes vetëm pak minuta pas shpërthimit dhe kanë bërë të mundur nxjerrjen nga rrënojat të 65 vjeçares Marie Gjinaj, duke e dërguar në spital. Më pas, forcat e policisë kanë nxjerrë nga shtëpia e shkatërruar edhe trupin e pajetë të Genci Gjinajt, i cili mësohet se kishte vdekur në vend. Policia po punon për të zbardhur shkaqet e ngjarjes sërëndë. Paraprakisht, duke iu referuar dëshmive të banorëve të zonës dhe të afërmve të viktimave të shpërthimit, mendohet që shkak i ngjarjes së rëndë të jetë bërë një sherr i zakonshëm mes 0-vjeçarit dhe nënës së tij. Genci Gjinaj, i divorcuar dhe
baba i katër fëmijëve, jetonte prej kohësh vetëm me nënën dhe kishte
shfaqur shenja të depresionit psikik. Të shtunën në mbrëmje ai ka qenë
edhe në gjendje të dehur dhe nuk ka ngurruar të përdorë një granatë
dore për të kërcënuar të ëmën që e qortonte. Mendohet që shpërthimi granatës të ketë qenë aksidental, pasi ajo ka plasur fare pranë Genci Gjinajt,i cili edhe e ka aktivizuar.