Vrasja e deputetit, Rama: Lamtumirë miku ynë..

• Kryesocialisti Rama mbajti fjalën e lamtumirës në homazhet ndaj deputetit të Fatmir Xhindi të ekzekutuar mbrëmë nga persona të panjohur. Presidenti Topi deklaron se ngjarja dëshmon se duhet rritur siguria në vend. Kryeministri Berisha garanton se qeveria do te zbardhe ngjarjen e rende. Topalli kerkoi ndeshmimin me te ashper per autorin. Policia vë në dispozicion numrat e telefonit 06941 03251 dhe 06941 07 507 për informatorët e atentatorit dhe një shpërblim prej 250 mijë eurosh.

FIER -Rama ne homazhe: Lamtumire miku yne
Ora 15:15-Kryesocialisti Edi Rama mbajti fjalën në homazhet që iu bënë në Pallatin e Kulturës së Fierit deputetit Fatmir Xhindi të ekzekutuar mbrëmë nga persona të panjohur. Rama ne fjalimin e tij të lamtumirës duke portretizuar Xhindin me fjalë, solli para syve të të gjithëve deputetin, familjarin dhe mikun që nga sot do tu mungojë të gjithëve. Rama theksoi vecanërisht kontributin e Xhindit gjatë punës së tij si deputet i Partisë Socialiste në Roskovec.
“Kemi ardhur për të percjellë në banesën e fundit Fatmir Xhindit pa ditur ende arsyen e ikjes tënde nga kjo botë. Miku yne gojëmbël qe jetonte mes fshatit dhe Kuvendit të Shqiperisë. Do të kujtohesh për punët e mira që bërë për bashkëfshataret dhe bashkefshatrët e tu, nga ty nuk kemi patur vecse kujtime te mira. Plumbat mbreme coptuan zemrat e djemve, nënës, gruas miqve e shokëve të tu të panumërt, këtu në vendlindjen tënde. Askush nga ne nuk ka fjetur mbrëmë. Cfarë kanë parë sytë e t’u në pragun e shtëpisë para se të mbylleshin përgjithmonë. E vërteta nuk të ndihmon dot të kthehesh miky ynë.
Lamtumirë deputeti jonë, përfaqesues i denjë, me sjelljen tënde korrekte, shtysën për punën më të mirë, për ty dhe vendin.
S’ka dyshim se kur të quajten Fatmir, prinderit e tu deshen më të miren për ty.Ti bëre gjithçka munde si burrë e babai i mirë për t’u dhënë fëmijëve dhe familjes tënde edukim. Ti bëre gjithçka munde si deputeti zonës.
Ti bëre gjithçka munde si një mik dhe njeri i dashur.
Zoti ta dha fuqinë për të luftuar krimin.
Nje zot të ka ndihmuar për një fuqi të re, për ta parë shtetin tënd dhe ti ike kaq padrejtësisht. Lamtumire shoku ynë, miku ynë”. .

Në homazhe dhe kryetarja e Parlamentit Jozefina Topalli
Ora 14: 50 Kryetarja e Kuvendit të Shqipërisë Jozefina Topalli, zhvilloi sot homazhe pranë trupit të pajetë të deputetit Fatmir Xhindi. Ajo shoqërohej në këto homazhe të organizuara në mjediset e Pallatit të Kulturës së qytetit të Roskovecit, nga nënkryetari i Kuvendit, Fatos Beja si dhe deputetë të Kuvendit. “Sot jemi ne Roskovec per t’i dhene lamtumiren deputetit te tre legjislaturave...Ai që guxoi të godiste Fatmirin ka goditur gjithë parlamentin. Autori do të marrë dënimin me te ashper dhe me te rende qe eshte dhene ndonjehere”, tha Topalli ne nje prononcim para mediave.

Arkivoli i deputetit Fatmir Xhindi transferohet në Pallatin e Kulturës
Ora 13: 22- Ceremonia mortore transferohet në Pallatin e Kulturës së Roskovecit ku do të mbahen për dy orë homazhet për nder të deputetit socialist Fatmir Xhindi i cili u vra mbrëmë afër banesës së tij. Në orën 13. 15 minuta arkivoli i trupit të pajetë ka dalë nga shtëpia duke u transportuar dorë më dorë nga familjarët, të afërmit, miqtë e bashkëpunëtorët e tij. Kortezhi i madh i njerëzve shoqëron arkivolin drejt Pallatit të Kulturës për të kryer homazhet, për tia lënë më pas radhën përcjelljes për në banesën e fundit. Sipas të dhënave nga familjarët e deputetit të vrarë, trupi i pajetë i Fatmir Xhindit do të prehet në vendlindjen e tij në varrezat e fshatit Kurjan, aty ku deputeti, sipas disa dëshmive kaloi dhe orët e fundit të jetës së tij.

Presidenti Topi: Duhen rritur masat e sigurisë në vend
Ora 13: 15- Presidenti i Republikës Bamir Topi në reagimin e tij tha se ngjarja duhej zbardhur pa tjetër ndërsa shtoi se vrasja dëshmon se duhen rritur masat e sigurisë në gjithë vendin. “Është një ngjarje e rëndë që nuk mund të mendohet se nuk do të zbardhet. Ngjarja është shumë e rëndë dhe dëshmon se duhet rritur siguria jo vetëm për sigurinë e qytetarëve por edhe të deputëve”

Topi e Berisha në Roskovec, Berisha: Do zbulojmë dorën e zezë
Ora 12: 40- Presidenti Republikës Bamir Topi dhe kryeministri Berisha ndodhen në banesën e deputetit të vrarë Fatmir Xhindi, në Roskovec të Fierit për të kryer ngushëllimet e rastit. Në një prononcim për shtyp kryeministri shqiptar Sali Berisha shprehu angazhimin e plotë të qeverisë së tij për të zbardhur ngjarjen si dhe të zbulojë “dorën e zezë që shkaktoi këtë krim”. Kreu i qeverisë nuk i është përgjigjur pyetjes së gazetarëve se nëse pas kësaj vrasjeje duhet të rriten masat e sigurisë për deputetët.

Deputët PS: Xhindi deputet pa konflikte, të zbardhet vrasja
Ora 12: 10- Deputetët e Partisë Socialiste janë zhvendosur të gjithë në Roskovec të Fierit për t’i bërë nderimet e fundit kolegut të tyre, deputetit me 3 legjislatura, Fatmir Xhindi.
Socialisti Marko Bello e cilësoi ngjarjen e ndodhur mbrëmë në Roskovec të Fierit si shumë të rëndë “Kam 5 vjet deputet dhe kam bashkëpunuar me të. Xhindi ishte një deputet i qetë dhe të gjithë janë të tronditur mbi atë cka ndodhur” tha në një lidhej telefonike për tha deputeti Be Ngjarja duhet të zbardhet sa më shpejt”.
Deputetja PS-së Rajmonda Stefa thotë se është ebefasuar për vrasjen dhe se gjatë ditës së djeshme Fatmir Xhindi nuk ka pasur ndonjë takim për fushatën paraelektorale. “Jemi të befasuar për vrasjen. Fatmir Xhindi ka qenë një njeri i qetë, dhe jo konfliktual. Fakti që është zgjedhur 3 herë nga e njëjta zonë si deputet konfirmon cka thashë më lart”.
Deputeti Socialist Kastriot Islami në një prononcim telefonik për tv NEËS 24 e cilësoi ngjarjen si shumë të rëndë dhe që ka impakt në të gjithë vendin dhe si dëshmi “se siguria nuk është në nivelin e duhur”. Islami kërkon zbardhjen sa më të shpejtë të ngjarjes dhe dënimin maksimal për autorët e atentatit.Islami thotë se Xhindi njihej si njeri kominikues dhe që nuk i afrohej konfliktit dhe se do të mbetej në kujtesë si deputet i përkushtuar në detyrën e tij.

Homazhet në Pallatin e Kulturës së Roskovecit
Ora 11:10- Presidenti i Republikës Bamir Topi dhe kryeministri Sali Berisha janë nisur drejt qytezës së Roskovecit, 18 km larg qytetit të Fierit për ti shprehur nga afër ngushëllimet familjarëve për humbjen e deputetit socialist Fatmir Xhindi. Familjarë, miq e të afërm, dhe qindra qytetarë të tjerë që kanë mbërritur në Roskovec për t’ju janë bashkuar zisë për humbjen e njeriut të tyre thonë se dy krerët e lartë të shtetit do të priten si gjithë qytetarët e tjerë. Në Roskovec për ti dhënë lamtumirën kolegut të tyre ndodhen dhe të gjithë deputetët e PS-së. Pritet që arkivoli me trupin e pajetë të deputetit socialist Fatmir Xhindi të transportohet në Pallatin e Kulturës së Roskovecit ku janë planifikuar të zhvillohen edhe homazhet e rastit. Homazhet do ti lënë radhën ceremonisë mortore që do të zhvillohen në orën 15.00

Policia: 250 mijë euro për informatorin e atentatorit
Ora 10: 34 Policia e Shtetit vë në dispozicion të zbulimit të atentatorit të vrasjes së deputetit socialist Fatmir Xhindi një shpërblim prej 250 mijë eurove. Drejtoria e Policisë së Shtetit pritet të bëjë publike shumën në një konferencë për shtyp e cila do të zhvillohet pas pak minutash. Policia informon se shuma 250 mijë euro do ti jepet personit i cili do të japë informacion mbi autorin apo autorët e vrasjes së ndodhur mbrëmë rreth 21.10 minuta në Roskovec të Fierit.
Policia garanton se informatorit do t’i ruhet anonimati, ndërsa pritet që në konferencë për shtyp të bëjë publike numrat e telefonit ku cdo qytetar mund të telefonojë për të dhënë informacionet e volitshme

Hetimet: Vrasja, autori qëlloi 2 metra në distancë nga deputeti
Ora 09:30- Të dhënat e fundit nga hetimet paraprake të grupit të ekspertëve hetimorë që po merren me zbardhjen e vrasjes së deputetit socialist Fatmir Xhindi, mbrëmë në Roskovec të Fierit, bëjnë të ditur se autori i vrasjes mund të ketë qenë fare pranë viktimës. Nga ekzaminimet e fundit të provave mësohet se autori ka qëlluar deputetin me kallashnikov në një largësi prej dy metrash. Sipas burimeve nga policia deputeti mund të ketë qenë duke hapur portën e banesës kur është qëlluar pas shpine me automatik kallashnikov.
Ekspertët mjeko ligjorë kanë konstatuar se deputeti socialit ka gjetur vdekjen nga 6 plumba kallashnikovi, ndërsa në vendngjarje janë gjetur 10 gëzhoja plumbash automatiku. Burimeve të cilat i referohet tv NEËS24 bëjnë të ditur se “Personi i cili ka qëlluar mund të ketë qenë i njohur i deputetit, dhe ky i fundit nuk mund të kishte pritur se do të qëllohej, ose autori i ka qenë i mirëmaskuar dhe pasi e ka qëlluar ka mundur të largohej nëpër rrugicat qorre të qytetit të vogël duke përfituar dhe nga errësira”.
Mendohet se autori pasi ka kryer vrasjen është larguar falë errësirës, në një rrugicë mes dy magazinave, që ndodhen pas shtëpisë së deputetit socialist Fatmir Xhindi në Roskovec të Fierit. Policia bën të ditur se janë 9 të shoqëruar, si persona të cilët kanë qenë me deputetin socialist, apo e kanë takuar atë, gjatë orëve të pasdites së të shtunës, para se të ndodhte atentati.

Ceremonia mortore sot pasdite në orën 15:00 në Roskovec të Fierit
Ora 07:30 Familjarët e deputetit të vrarë socialist Fatmir Xhindi kanë refuzuar ofertën e kryetares së Kuvendit që homazhet e përcjellja e deputetit për në banesën e fundit të bëhej nga ambientet e Kuvendit.
Sipas gazetarit të NEWS24 familjarët kanë kërkuar që homazhet të kryhen në banesën e të ndjerit në Roskovec të Fierit dhe sipas zakoneve të tyre. Po nga familjarët është mësuar se ceremonia mortore për deputetin socialist Fatmir Xhindi do të kryhet sot në orën 15.00

Ora 07:20 Trupi i deputetit të vrarë lë morgun, për tu vendosur në banesën e tij.
Trupi i pajetë i deputetit të vrarë socialist Fatmir Xhindi i cili është mbajtur gjithë natën në morgun e spitalit të Fierit ka mbërritur në banesën e tij.
Makina që mbante arkivolin me trupin e deputetit 49 vjecar, është shoqëruar nga një kortezh i madh makinash me miq dhe të afërm të deputetit.
Mësohet se trupi i deputetit ka qëndruar gjatë gjithë natës në morgun e spitalit të Fierit për tu lejuar më pas sot në mëngjes të dërgohet në banesën e tij në lagjen numër 1në Roskovec të Fierit, ku do të kryhen dhe ceremonitë mortore.
Fatmir Xhindi babai i tre fëmijëve (22, 20, dhe 16 vjeç), mbeti i vrarë mbrëmë rreth ora 21. 10 pranë shtëpisë së tij. Informacionet paraprake të policisë thonë se deputeti është qëlluar me breshëri automatiku në momentin që ka parkuar makinën në derën e shtëpisë së tij. Deputeti ka vdekur vetëm 4 metra larg portës dhe 6 plumba kanë përshkruar trupin e tij, ndërkohë që në vendngjarje janë gjetur shumë gëzhoja.
Ekspertë nga ministria e Brendshme, Prokuroria e Përgjithshme dhe Drejtoria e Policisë po merren me grumbullimin e
provave, dëshmive të cilat do të mund të zbardhin vrasjen e rëndë dhe të arrestohen autorët e krimit. Në mënyrë të menjëhershme, janë ngritur postblloqe në të gjitha akset kryesore rrugore dhe ato dytësore në pritje të kapjes së autorit. Të gjitha makinat janë nën kontroll dhe forca të shumta policie në gjithë qytetin e Fierit.

Rama: Vrasja të zbardhet një orë e më parë
Vrasja e deputetit u dënua nga personalitete të larta të vendit. Kryetari i PS-së Edi Rama, i cili ndodhej pranë familjarëve të deputetit Xhindi në orët e para të mëngjesit të sotëm tha se ngjarja ishte shumë e rëndë dhe që trondit vendin. “U vra një qytetar që përfaqëson shumë qytetarë të tjerë. Shpresoj që vrasja të zbardhet sa më shpejt.

Presidenti Topi: Masa që autorët të vihen para drejtësisë
Presidenti Bamir Topi e cilësoi si ngjarje jashtëzakonisht të rëndë është një akt kriminal i pashembullt që duhet zbardhur pa humbur kohë, duke i dhënë autorëve përgjigjen e merituar. Kryeministri Sali Berisha siguroi se do të merren të gjitha masat për të zbardhur vrasjen dhe autorët të vihen para ligjit.

Topalli afër familjarëve të Xhindit: Vrasja do dënohet ashpër
Edhe Kryetarja e Parlamentit Jozefina Topalli udhëtoi në orët e para të mëngjesit të sotëm drejt banesës së deputetit të vrarë socialist Fatmir Xhindi. Ajo e cilësoi ngjarjen kriminale që ka goditur të gjithë Kuvendin. “Jemi të tronditur për humbjen e një deputeti që ka një kontribut 12 vjecar. Ngushëllime familjes. Jam i sigurtë se institucionet e drejtësisë do e dënojnë me dënimin më të ashpër”

Deklarata e Kryetarit te PS, Edi Rama pas humbjes se jetes se deputetit Fatmir Xhindi



Është një ngjarje e rëndë sa s’ka më! Është vrarë një qytetar, i cili përfaqësonte shumë qytetarë të tjerë, jo thjesht një njeri si të tjerët. Duke pritur me padurim zbardhjen e rrethanave ne jemi këtu për të shprehur solidaritetin tonë familjes së mikut tonë të ndjerë e për t’ua lehtësuar sadopak dhimbjen e tmerrshme e tronditëse për të gjithë vendin. Ngjarja është vërtet një nga ato ngjarje që trondisin jo vetëm një familje, as një komunitet, por një vend të tërë. Sigurisht që në këto kushte, nuk është e lehtë, përkundrazi është jashtëzakonisht e vështirë për të gjithë këta njerëz që janë këtu. Ashtu sikundër është e tmerrshme për vetë familjen që ka gjetur, njeriun e saj në pragun e shtëpisë, të vrarë më paramendim në një pritë. Ajo që mund të bëjmë është të jemi pranë familjes që të lehtësojmë sadopak dhimbjen dhe shpresojmë që rrethanat e kësaj ngjarje të zbardhen një orë e më parë.
Nuk është momenti dhe vendi për t’u shtyrë në komente të pavend. Për momentin ne jemi këtu për t’i qëndruar pranë familjes, për të lehtësuar sadopak gjendjen shumë të rendë që është këtu dhe shpresojmë, e përsëris, që rrethanat e kësaj vrasjeje që ka tronditur vendin të zbardhen një orë e më parë. Kjo është një ngjarje krejt e pazakontë.

Vrasja e deputetit, lokalizohen 4 pista


E Hene, 04 Maj 2009

Vrasja e deputetit socialist Fatmir Xhindi mbremjen e se shtunes para shtepise se tij ne Roskovec ka kaluar ne analizen e Policise se Shtetit dhe Prokurorise se Pergjithshme. Te dyja se bashku, pas nje mbledhjeje rreth pese oreshe, dolen me disa posta hetimi mbi vrasjen, ku nder me te besueshmet per momentin, eshte lokalizuar ajo e konfliktit te mundshem per ceshtje pronesie. Burime nga mbledhja deklaruan mbreme per "Koha Jone" se jane duke hetuar edhe ne pista te tjera, per te cilat u treguan te rezervuar ne dhenien e hollesive. Sakaq, provat e siguruara nga vendi i ngjarjes, rindertimi i skenes se krimit, deshmite qe po vazhdojne ende te mblidhen dhe nxitja me shperblimin 250 mije euro qe shpalli policia, shihen si elemente te rendesishem qe besohet te cojne shpejt, ne zbulimin dhe kapjen e autoreve dhe zbardhjen e rrethanave dhe shkaqeve te ekzekutimit te deputetit socialist.

***

Drejt qytetit te Fierit, dje ka udhetuar edhe kryeprokurorja Ina Rama, se bashku me drejtorin e Hetimit ne Prokurorine e Pergjithshme, Sokol Stojani dhe kreun e Krimeve te Renda, Olsian Cela. Per dy ore eshte zhvilluar nje takim me prokuroret e ketij rrethi me qellim diskutimin e pistave dhe provave te gjetura. Me pas mesohet se Ina Rama ka takuar edhe Drejtorin e Pergjithshem te Policise se Shtetit, Ahmet Prenci, me te cilin ka diskutuar rruget qe duheshin ndjekur per zbardhjen e ngjarjes. Analiza e ngjarjes ka nisur ne mesdite dhe ka perfunduar rreth ores 18:00, ku burime nga policia dhe prokuroria deklaruan se kane dale ne 4 pista te mundshme. Kurse burime zyrtare nga Prokuroria e Pergjithshme, thane per "KJ", se nder keto pista qe po perqendrohet grupi hetimor, njera eshte ajo e nje konflikti te mundshem per pronesi. Por nuk jane lene jashte vemendjes edhe pista te tjera, si ajo e nje konflikti te castit. Burime zyrtare nga Prokuroria e Fierit dhe drejtoria rajonale e policise, deklaruan mbreme per "KJ" se aktualisht po ndiqen linjat e hetimit mbi bazen e provave te mbledhura. Per dy pistat e tjera nuk jepen detaje, por mesohet se jane te aferta me dy te parat.

Diskutimet mes drejtuesve te dy organeve kane vazhduar deri ne oret e vona te mbremjes se djeshme. Mesohet se eshte gjetur nje prove qe besohet se mund te jete shume e rendesishme e qe ndoshta mund te coje te motivi dhe autoret e ekzekutimit te deputetit. Sakaq, besohet se pistat e hetimit do te zgjerohen pas deklarates se Policise se Shtetit per venien ne dispozicion te nje shperblimi prej 250 mije eurosh qe i ofrohet informatorit dhe telefonatat nuk kane munguar. Gjithsesi nje deklarate zyrtare per pistat e hetimit dhe detaje te tij ende nuk ka dale ende nga grupi hetimor.

Zyrtarisht policia ka shpjeguar se ne vendngjarje jane gjetur 15 gezhoja qe i perkasin nje arme automatike "Kallashnikov", 4 predha plumbi, 5 kemisha plumbi, nje qese plastmasi, pa percaktuar madhesine e saj, ngjyren apo perse mund te jete perdorur dhe nje tablete aspirinash. Edhe ne kete rast nuk percaktohet nese ka qene e viktimes apo e atentatorit. Nga keqyrja e vendngjarjes eshte zbuluar fakti se kane qene dy bresheri njera pas tjetres te degjuara prej deshmitareve. Mendohet se kane qene dy persona, ata qe kane zene prite prane shtepise dhe mund te kene pasur njohje me deputetin. Por mendohet se mund te kete qene edhe nje person i vetem qe ka qelluar dy here mbi viktimen, nga dy distanca te ndryshme, 5 dhe 3 metra. E para duke e plagosur rende dhe e dyta per t'u siguruar se e ka vrare. Nje fakt trondites sipas eksperteve eshte konstatimi i nje plage ne pjesen e syrit, ku plumbi ka tejshkuar koken dhe qe i ngjan metodave mafioze te ekzekutimit.

Cili eshte Fatmir Xhindi



Fatmir Faslli Xhindi eshte lindur ne vitin 1960 ne Fier. Ai eshte diplomuar ne Universitetin “Eqerem Cabej” ne fakultetin e Histori -Gjeografise ne vitin 1986, ndersa ne vitin 2003 eshte diplomuar ne Universitetin e Tiranes ne degen e Juridikut.

Gjate viteve 1986 deri ne vitin 1989 ka punuar si mesues historie ne Vlosh te Fierit dhe si drejtor i Shkolles se Mesme te Bashkuar, Krujan, po ne Fier.
Ka qene kryetar i Keshillit te Bashkuar ne Krujan te Fierit, me pas kryetar i kesaj komune. Nga viti 1996 ka qene anetar i Partise Socialiste dhe drejtues i forumeve te saj ne Fier. Prej 3 legjislaturash eshte zgjedhur deputet i Partise Socialiste. Se fundmi eshte zgjedhur deputet ne zonen 68 ne Fier ku ka marre 6708 vota ose 45 perqind.
Fatmir Xhindi edhe pse ishte zgjedhur deputet ne tre legjislatura nuk ishte larguar nga banesa e tij ne Roskovec.