Aksidenti i Masës, mjekët: Ska dëmtime në tru.

Felipe Masa duket se ia ka hedhur pa dëmtime të trurit aksidentit të pësuar ditën e shtunë në Hungari. Pas një skaneri të bërë në spitalin e Budapestit, mjekët kanë përjashtuar prekjen e trurit, megjithatë ata nuk pranuan ta quajnë gjendjen e pacientit jashtë rrezikut për jetën.


BUDAPEST- Felipe Masa i është nënshtruar një skaneri total të trurit pas aksidentit të rëndë të pësuar në provat e së shtunës në pistën e Budapestit dhe mjekët kanë përjashtuar që ai të ketë dëmtime celebrale. Piloti brazilian i Ferrarit ka qëndruar nën kujdes intensiv gjatë gjithë natës dhe tashmë duket në përmirësim e sipër. Përpos kësaj, mjekët nuk kanë pranuar ta quajnë gjendjen e tij jashtë rrezikut për jetën.

Drejtori i Ferrarit Stefano Domenikali deklaroi se gjendja e tij është stabël, por do të pritet edhe një skaner përfundimtar për të vendosur se çfarë do të bëhet. Masa qëndron i shtruar në spital ushtarak AEK të Budapestit, pasi përplasjes me 190 kilometra në orë në provat zyrtare të ditës së shtunë. Një copë metalike rreth 800 gramë e shkëputur nga makina e Rubens Barrikelos, u përplas mbi kokën e tij duke shkaktuar një vrimë në kaskë.

Për fat, përplasja e këtij hekuri ka ndodhur në pjesën anës kaskës dhe jo në qendër, megjithatë pamjet u kujtuan të gjithëve aksidentin tragjik të Airton Senës në vitin 1994 në Imola. Pas renditjes i dyti në garën e Hungarisë, piloti tjetër i Ferrarit, Kimi Raikonen, ia ka dedikuar podin shokut të skuadrës Felipe Masa, duke i uruar kthim sa më të shpejtë pranë skuadrës