Shqiperia drejtohet nga brezat e ri!!!

nga Musafir 2007-12-22, 19:14

Pjesa me e madhe e atyre, qe sot kanë ne dorë drejtimin e shtetit nuk i kanë kaluar te 35 vitet. Një brez fatlum, te cilit i është dhënë shansi për te qenë ne krye te dikastereve me te rëndësishme dhe për te qenë ne sallen e Parlamentit. Kështu, te ardhur nga shkollime jashtë vendit, por dhe me një shkelqim ne universitetet tona, te vendosur ne pozicione te rëndësishme drejtuese, zyrtaret e lartë shqiptare karakterizohen nga një moshe e re dhe e gatshme për te dhënë gjithçka ne sherbim te vendit dhe karrieres se tyre, tashmë qe ky shans u ka trokitur ne dere, duke ngjallur ndoshta jo pak, por dhe xhelozine e kastes se vjetër. Një pjesë e tyre janë kanë ardhur ne qeverisje nga Komisioni i Orientimit te Politikave, një organizim i lindur ne PD, ne prag te zgjedhjeve te përgjithshme te vitit 2005. Por edhe emerimet e kryera rishtazi ne qeverisje dhe ne pozicione kyçe te shtetit kanë emerues te perbashket, vitet e lindjes 1972-1974.

Nisur nga kjo, ministrite kryesore te vendit drejtohen nga ministra te lindur ne mesin e viteve `70, qe, ndonëse me një moshe te re, janë te karakterizuar nga një nivel i lartë specializimi. Mes tyre gjen edhe figura qe, ndonëse moshes se re, kanë një eksperiencë te spikatur politike pranë Partise Demokratike. I tillë është edhe ministri aktual i Puneve Publike dhe Transporteve, Sokol Olldashi, i cili e mban këtë detyrë prej pak muajsh. I emeruar pas fitores se demokrateve ne korrik te 2005-es si ministër i Brendshëm, Olldashi spikati për një lufte te ashper te krimit te organizuar në vend. Nga ana tjetër ministrja e Integrimit, Majlinda Bregu, ndonëse ne moshen 33-vjeçare, përveç drejtimit te një ministrie, mban edhe detyren e zedheneses te Këshillit te Ministrave.

Një model i te riut ne politike është edhe ministri i Jashtëm, Lulzim Basha, i njohur nëpërmjet KOP, ai u vendos menjehere pas zgjedhjeve te përgjithshme, si kreu i Puneve Publike dhe Transporteve. Pasi sherbeu për me shumë se dy vjet ne këtë dikaster te rëndësishëm, Basha është aktualisht ministër i Jashtëm, një ministri e konsideruar shumë e rëndësishme. Ne te njëjtën linjë është dhe ministri i emeruar ne krye te Drejtesise, Alibeaj. Por mosha e re, karakterizon ne pjesen dërrmuese edhe zevendesministrat. Të zgjedhur si tekniciene, zv/ministrat ne kabinetin Berisha ne pjesen me te madhe nuk i kalojne 35 vitet, duke reflektuar kështu energji, qe është e rëndësishme për një kabinet. Harxhi, numri dy i MPJ, Strazimiri i Ministrise se Brendshme, Halimi i Drejtesise, Bozdo i Ekonomise, Zaimi e Ministrise se Brendshme, janë emrat qe drejtojnë nivelin e dytë te qeverisë. Pa harruar ish-ministrat Bumci dhe Trashani. Nga ana tjetër, e zgjedhura për te luftuar korrupsionin dhe krimin e organizuar në vend, Ina Rama është gjithashtu ne 35 vjeçe. Propozimi i një femre te re ne moshe, nga ana e Presidentit Topi, ne detyren e kreut te organit te akuzes, është një levizje e cila pritet te vere ne provë edhe e efikasitetin e kësaj zgjedhjeje te ngjashme.

Sokol Olldashi

Ish-ministri i Brendshëm, Sokol Olldashi, i përket datelindjes 1972. Jep dorëheqjen për te kandiduar perball Edi Rames ne garen për Bashkine e Tiranës. Emerohet me pas nga Kryeministri Berisha si ministër i Puneve Publike dhe Telekomunikacionit.

Majlinda Bregu

Ministria e Integrimit, njekohesisht edhe zedhenesja e KM i përket ditelindjes 1974. E angazhuar ne Komitetin e Orientimit te Politikave, krijuar ne vitin 2005, nga mazhoranca aktuale, ne një kohe te shkurter Bregu zuri një pozicion te rëndësishëm ne qeverisje.

Lulzim Basha

Ish-ministri i Puneve Publike dhe Telekomunikacionit, Lulzim Basha, aktualisht ministër i Jashtëm është gjithashtu një prurje e KOP. I lindur ne vitin 1974, Basha qe nga koha e qeverisjes se demokrateve ka drejtuar ministri te rëndësishme në vend.

Enkelejd Alibeaj

Kandidatura e votuar nga Kuvendi si ministër i Drejtesise në vend, Enkelejd Alibeaj, ka lindur ne vitin 1973, ne Tiranë. Duke qenë shef i departamentit antikorrupsion ne Keshillin e Ministrave, Alibeaj u prezantua nga Berisha si një yll ne fushën e drejtesise.

Aldo Bumci

Ish-ministri i Drejtesise, Aldo Bumci, u shfaq për here të parë për publikun si i angazhuar ne KOP. Bumci i përket gjithashtu ditelindjes 1974 dhe qendroi ne krye te Drejtesise për një kohe te shkurter, duke u shkarkuar rreth 8 muaj me pare nga Kryeministri Berisha.

Arenca Trashani

Deputetja e PD-se, e cila qendroi përreth 2 vjet ne detyren e ministres se Integrimit, ka lindur ne vitin 1973. Trashani mori detyren e ministres menjehere pas krijimit te qeverisë Berisha pas zgjedhjeve te korrikut 2005.

Edit Harxhi

Zevendesministrja e Jashtme, Edit Harxhi, ka lindur gjithashtu ne vitin 1972. Emri i saj u diskutua për te qenë dhe ambasadorja e Shqipërisë ne SHBA, por me pas u emerua ne detyren e zv/ministres se Jashtme, post te cilin e mban për me shumë se 2 vjet.

Eduart Halimi

Zevendesministri i Drejtesise, Halimi, ka lindur ne vitin 1972. Detyren e numrit dy te drejtesise, Eduart Halimi e mban qe prej kohës kur demokratet kanë marr pushtetin, pas zgjedhjeve te korrikut 2005, duke qenë dhe funksionar vërtetë jetegjate.

Eno Bozdo

Perfaqesuesit i reformatoreve ne qeverisje, Eno Bozdo ka lindur gjithashtu ne vitin 1972. Bozdo mban detyren e zv/ministrit te Ekonomise dhe Energjetikes dhe ndodhet ne këtë detyrë prej me shumë se 2 vjetësh. Me pare ka qenë zedhenes i PDR te Pollos.

Gent Strazimiri

I ditelindjes 1972 është edhe zv/ministri i Brendshëm, Gent Strazimiri. Prej pak muajsh, ai mban detyren e numrit dy te Ministrise te Brendshme dhe është një përfaqësues i Partise Demokratike ne qeverisje. Vjen nga radhet e FRPD, ku ka qenë dhe kryetar i saj.

Iva Zajmi

Zevendesministrja tjetër e Brendshme, Iva Zajmi, i përket gjithashtu ditelindjes 1972. Zajmi është emeruar ne këtë detyrë prej me shumë se dy vjetësh, ne kohën kur PD dhe aleatët e djathte erdhen ne qeverisje. Një funksionare e aftë ne detyren qe kryen.

Ina Rama

Kryeprokurorja e re, Ina Rama, i përket ditelindjes 1972. Me një eksperiencë te konsiderueshme, Rama u zgjodh si pasuese e Sollakut me shumicë votash nga Parlamenti. E vleresuar dhe nga ish-presidenti Alfred Moisiu.

nga **NEO** 2007-12-22, 22:58

ishalla eshte nje kthese e mire per shqiperine

Shqiperia drejtohet nga brezat e ri!!!

Shqiperia drejtohet nga brezat e ri!!!

Re: Shqiperia drejtohet nga brezat e ri!!!